DILI-Ministru Edukasaun, Bendito
Freitas fo hanoin ba bolseiru sira mak kontinua estudu iha railiur.
“Sira tenke tau an didiak. Durante eskola iha railiur, sira nia kroat
maka lapijera no kadernu. Tan nee sira tenke estuda. Ba sira hau sempre
fo mansagen katak, ba ema ida tenke fila ema ida. Kuandu ba ema ida,
fila fali ema nain tolu, diakliu lalika ba railiur. Diakliu eskola iha
Dili deit,” reforsa Ministru Bendito Freitas ba jornalista, Sesta feira
semana kotuk.
Ministru Bendito hato’o deklarasaun nee
hodi responde problema bolseirus balu nebee la konsege kontinua sira nia
estudu no tenke fila fali mai Timor Leste tamba hetan bebe oan. Sira
hola malu. Hetan oan, labele kontinua sira nia estudu to’o remata. “Hau
sempre dehan bebeik ba sira. Imi nia kroat maka lapijera no kadernu.
Laos ba, hola fali malu iha neba. Ba ema ida, fila fali ema nain tolu.
Diakliu lalika ba. Eskola iha Dili nee deit diakliu,” nia reforsa.
Responda problema nee, Prezidenti Komisaun F-PN, Virgilho
da Costa Hornai hatete, bolsu estudu tenke foba estudante sira nebee
iha valor diak. Sira nebee hetan, tenke aproveita didiak. Ba estuda iha
ema nia rain, tenke estuda lolos. Ba estudu, labele hanoin ba ema nia
rain, hola malu iha neba. Ida nee labele.
Bolsu estudu ba veteranus ka martires nian oan sira, ida nee los. Maibe tenke hare didiak lai. Apakah
sira veteranus ou martires nia oan duni ka lae?. Labele fo arbiru. I ba
sira nebee hetan bolsu estudu, ba ema nia rain tenke esforsu a’an.
Tenke estuda maka’as para hetan valor diak. Sira nia kilat maka lapijera
no kadernu.
Estudante UNTL Calistro fo hanoin,
Timor Oan nebee hetan bolsu estudu hodi eskola iha railiur, labele
hanoin buat sel-seluk. Sira tenke estuda maka’as para hetan valor diak.
Nunee fila fali mai, uza sira nia matenek hodi dezenvolve nasaun ida
nee. “Sira nia belun diak diak maka lapijeira no kadernu, laos hanoin
oioin ba buat seluk,” hatete Calistro : info husi : (STL)Komentario :
______________________________________________________________________
Judul: Mensagen Ministru Bendito ba Bolseiru Sira, “Ba Ema Ida, Fila Fali Ema Nain Tolu, Diakliu Lalika Ba”
Rating: 100% based on 99998 ratings. 5 user reviews.
Ditulis Oleh 13.06
Rating: 100% based on 99998 ratings. 5 user reviews.
Ditulis Oleh 13.06
