Reprezentante povu iha uma fukun
Parlamentu Nasional husu ba sidadaun hotu, tenki iha konsensia ba
limpeza uma laran no bairo nune’e bele prevene moras dengue, basa moras
refere agora aas iha Hospital.
Deputada Fernanda Lay husi bankada CNRT
haktuir, komunidade barak mak kestiona atendimentu Hospital, agora moras
barak mak husi distritu halai hotu mai iha Hospital Dili, tanba
distritu lakonsege atende.
“Moras dengue agora sae makas, Hospital
lakonsege atende hotu tanba ema barak demais, mesmu ke asuntu ne’e seriu
mais laiha ema ida mak hakfodak. Durante ne’e ita laiha aktividade
preventiva ba moras dengue ne’e,” dehan Deputada Fernanda Lay iha
plenaria PN, Segunda (17/2).
Tuir Deputada ne’e, diak liu halo
preventiva duke kurativa, tanba fatin lato’o atu akumula moras sira
ne’e, espesialmente ho fugin liu-liu ba area ne’ebe indentifika ona
moras dengue, maibe durante ne’e Ministeriu lahalo. Nune’e mak husu atu
komisaun kompetente no Ministeriu Saude atu atende ida ne’e ho seriu.
Alein de ne’e, Ministeriu Estatal tenki
hamutuk ho komunidade halo limpeza iha kapital no Distritu, tanba tempu
udan hanesan ne’e virus barak moris hodi bele lori moras ba komunidade.
“Sidadaun ida-idak tenki iha konsensia
ba limpeza, tanba agora tempu udan bele hadaet moras, be foer ba sobu no
halai hamutuk ho lixu sira bele kontribui para alasta ba ema
seluk,”dehan nia.
Nia hatutan, mudansa klimatika ne’ebe mosu fo impaktu bo’ot tebes ba alasta dengue nian.
Antes ne’e, iha fulan Janeiro dengue
ataka labarik ho idade tinan lima mai kraik hamutuk nain 24, husi
numeru ne’e nain ida mate. Depois tama ba fulan Fevereiro numeru ne’e
sae kedas ba 173 nain ida mate tan.
Tanba hare numeru moras dengue sae be
bei-beik, Doutor Klinika ONGV, Aniceto Bareto informa, parte Hospital
servisu hamutuk ho Ministeriu Saude tama sai bairu-bairu atu rega susuk
no tau aimoruk ba tanki nune’e bele hamate susuk liu-liu susuk dengue.
Doutor Aniceto haktuir, moras diare no
dengue ne’e iha tinan kotuk numeru ne’e la aas hanesan ne’e, so tinan
ne’e mak akontese nune’e. Nia husu ba inan aman sira atu iha konsensia
ba higiene atu labele hakiak susuk dengue.JndiarioKomentario :
_____________________________________________________________
Judul: Sidadaun Tenki Iha Konsensia Ba Limpeza
Rating: 100% based on 99998 ratings. 5 user reviews.
Ditulis Oleh 22.23
Rating: 100% based on 99998 ratings. 5 user reviews.
Ditulis Oleh 22.23
