Singapura La Impede Adezaun TL ba ASEAN

DILI-Prezidente Temasek Foundation Centre for Trade & Negotiation (TFCTN), husi Singapur, Deborah Helms deklara Singapura la impede adezaun Timor-Leste ba Azean maibe sujere ba Timor-Leste atu halo preparasaun ne'ebe di'ak ho investimentu ne'ebe maka'as antes adere ba ASEAN.

“Ha’u la hatete katak ita bo’ot sira labele adere ka sai membru AZEAN. Ha’u sempre hatete katak ida ne’e sei sai difilkudades, ne’e dezafia ita. Entaun ita hotu involve tama ne’e ohin loron sei koalia iha aspektu tekniku ka ezersiu balun ne’ebé Timor-Leste, liu-liu tenki la’o ba atu asegura ninia investimentu,” dehan Deborah iha nia diskursu, bainhira hetan oportunidade koalia iha seminariu internasionál ne’ebé realiza husi komisaun C Parlamentu Nasionál, iha Otel Ramelau, Díli ne’ebé loke husi Prezidenti Parlamentu Nasionál, Vicente  Guterres.

Kuandu ko’alia kona-ba komprimisiu atu tama ASEAN tenki halo servisu operasionalizasaun iha komersiu, ohin loron komprimisiu ASEAN tenki koalia iha baze legal ka regulamentu.

“Entaun ohin loron ita sei ko’alia saida mak ita bele la’o atu bele kumpri regras sira husi organizasaun mundial komersiu nian atu adere ba ASEAN. Tanbá sá mak regras sira ne’e tenki kria, no tenki kumpri tanbá sei aumenta katak membru sira ASEAN nian automatikamente sai uluk membru organizasaun mundial komersiu,” dehan Deborah.

Iha fatin hanesan, Deputadu Aderito Hugo da Costa, hatete seminariu ne’ebé komisaun C Parlamentu Nasionál realiza ne’e atu rona peritus internasional sira husi organizasaun Temasek Singapura nia hanoin kona-ba desbantazen no bantazen bainhira Timor-Leste adere ba Azean.

“Seminariu ne’e koalia kona-ba vantazen no dezvantazen adezaun Timor-Leste nian ba ASEAN. Tanbá ne’e mak orador internasionál ne’e elabora didi’ak vantazen ho dezvantazen bainhira Timor-Leste atu tama ba organizasaun rezional ASEAN Free Trade Area (AFTA), hamutuk ho Brunei, Indonesia, Malaysia, Filipina, Singapur no Tailandia,” dehan Hugo.

ASEAN rasik estabelese ona sira nia merkadu unik komesa tinan hirak liu ba to’o agora. Tuir tarjetu implementa iha 2015, maibé sira rasik mós iha duvida hela de’it  tinan rua sira bele implementa livre komersiu.

Tanbá bainhira Timor-Leste la tama maka Timor rasik izola-an, maske iha 2011 Timor-Leste halo rekerimentu ofisial katak atu sai membru Azean. Ne’eduni importate mak Timor-Leste tenki sai uluk membru organizasaun mundial komersiu nian.

Tuir banku mundial nia avalizasaun katak agora dadauk Timor-Leste seidauk tama iha membru World Trade Organitation (WTO), tanbá Timor-Leste iha hela faze nasaun Least Development Countrys (LDCs)  ka país menus dezenvolvidu, tanbá TL iha komitmentu iha faze implementasaun kapasitasaun.

Maske Timor-Leste ho status LDCs, mai iha vantazen bo’ot atu bele asesu ba fasilidade insentivas husi WTO no mós husi organizasaun rezional ASEAN Free Trade Areas (AFTA) nian.

Maske ho statutu nasaun LDCs, Hugo esplika TL sei iha oportunidade lubuk ida atu aproveita tempu ne’ebé konsidera hanesan trazisaun ida hodi nune’e prepara an di’ak liu tan hodi priense rekezitus lubun ida atu tama ba membru ASEAN.

Bainhira Timor-Leste la sai membru organizasaun mundial ASEAN nian maka Timor rasik izoladu, tanbá la hetan venefisiu husi AFTA no mós WTO nian.

“Timor-Leste kuandu sai membru organizasaun mundial maka sei hetan venefisiu barak liu tan. Tuir esplikasuan husi peritus internasionál katak sei hetan apoiu fasilidades husi organizasaun komersiu ASEAN nian. La’os fasilidade de’it , maibé hetan apoiu dezenvolvimentu fizikus ho non-fizikus,” haktuir Hugo ba jornalista sira, iha Otel Ramelau (13/03).

Dezenvolvimentu fíziku  ne’ebé mak TL sei hetan bainhira sai membru maka hanesan infraestrutura baziakas Portu ho Airoportu, no nonfíziku mak hanesan hetan ajudus teknikus ba materia kona-ba servisus alfandegaria nian iha portu ho aieropotu ne’ebé nia servisu relasaun ho rekolamentu tasas.

 info husi : timorexpose



Komentario :

____________________________________________________________________

• Tweet

Judul: Singapura La Impede Adezaun TL ba ASEAN
Rating: 100% based on 99998 ratings. 5 user reviews.
Ditulis Oleh Nelson Blog 12.20

Artikel Terkait :