Uma Kreda ho Estadu TL, Konvida Papa Fransiskus

DILI- Tinan 2015 nudar tinan 500 (Atus Lima) ne’ebe Maromak Nia Lia Fuan tama iha Timor no muda ita halo sai sarani. Atu  selebra data nee ba Istoria, Uma Kreda hamutuk ho Estadu Timor Leste lansa hanoin ida oinsa atu konvida Amu Papa Fransiskus atu selebra hamutuk ho sarani Timor Leste tomak iha Oecusse.

Hanoin nebe iha, ubriga

torimente Bispo nain 3, Dom Basilio do Nascimento, (Diocese Baucau), Dom Alberto Ricardo da Silva, (Diocese Dili), no Bispo Diocese Maliana, Dom Norberto do Amaral, iha fulan Marsu nia sei vizita ba Roma Italia, hasoru malu ho Amu Papa  kona ba asuntu ne’e.

Na’i Lulik Dom Basilio, ba Jornalistas hafoin iha sira nia vijita ho Presidente da Republika Taur Matan Ruak, tersa (4/02/2014), hateten situasaun nebe maka TL infrenta relasiona ho planu nee maka sedauk iha fatin (Istana Apostolik,) mesmu nudar Nasaun ida maioria Khatolik iha Azia, maibe situasaun ne’e uma kreda hatoo ona ba Estadu oinsa fo solusaun ba situasaun ne’ebe refere.

” Ita hare amu Bapa ba iha rai ida, amu bapak nunka atu hela iha Hotel, Amu Bapa nunka hela iha uma Governu nia uma, i amu Bapa nunka hela iha Bispu sira nia uma. Maibe amu Bapa hela iha nia uma rasik naran Nunciatura (Istana Apostolik) embaxador Fatikanu nian iha nasaun ida. Oras ne’e Timor nasaun Khatolika ne’ebe bo’ot iha Azia maibe uma
ba nunsioatura seidauk iha.

Ne’e dunik ami apresenta situasaun bee ba governu para pelo menus ita aranja uma ida ba amu bapak atu hela durante nia vijita” Amu Bispo haraik lia fuan hirak nee ba Jornalistas iha Palasiu Prezidente.

Wainhira husu kona ba oinsa Presidente nia pozisaun ba asuntu ne’e, amu Bispu lia tun tan katak, Presidente hanesan ema Khatolika que klaro simu ho buat hirak nee. Agora, ita hotu hatene katak iha buat barak maka la depende ba Nia (Prezidente, red), ne’e dunik nia sei hato’o ida ne ba Governu, Bispu hatutan.

Alende ne’e Bispo akresenta tan mos katak, Uma Kreda rasik hasoru ona ho Ministru Negosiu Estranjeiru no Kooperasaun, i hasoru malu ho Vise Primeiru Ministru, no sei hasoru malu ho Primeiru Ministru, tanba fulan seluk mai, ami nain tolu ba Roma ba hasoru malu ho amu bapak rasik, maibe Amu Bapak atu mai ho lae, ne’e depende ba Bapa. Ne’e dunik, ne’e laos hanesan desizaun ona maibe, hanesan saida maka uma Kreda no Estadu nia hanoin kona ba data ida ne’e importante iha ita nia istoria.

Ho informasaun ne’ebe iha hanesan urgulhu boot ida, representante povu sira iha uma fukun Parlamentu Nasional, husu ona oinsa atu Estadu iha ubrigasaun ba preparasaun ba Vijita ba daruak Papa nian iha Timor Leste ne’e.

“Hau nia hanoin ida nee ita hotu tenki prekupa tanba Amu Papa nia presensa fali nee hanesan pais ida Independente  ita tenki presija hare fatin ida apropriadu ba ami papa se karik nia mai Timor no sei hela iha nee loron balu, Estadu Timor Leste tenki prepara fatin ba Amu Papa. I  Amu Papa mai fali ne’e, marka Istoria ba Independente” Eladio Faculto, (FRETILIN) deputadu representante Povu iha Uma Fukun Parlamentu Nasional, Kuarta (05/02/2014). (pol)
info husi : Timoroman

Komentar : _______________________________________________________________________________

• Tweet

Judul: Uma Kreda ho Estadu TL, Konvida Papa Fransiskus
Rating: 100% based on 99998 ratings. 5 user reviews.
Ditulis Oleh Nelson Blog 01.36

Artikel Terkait :