Ezekusaun orsamentu jeral do estadu tinan ne’e la’o
hadasak hanesan lenuk maske ki’ak ninia numeru aumenta 49.7 no KKN mos
nani nia abut mos maka’as metin ba beibeik.
Durante diskusaun Orsamentu Jeral do Estadu 2013 ninian iha Parlamentu Nasional, FRETILIN ne’ebe hili opozisaun total iha periode 2007-2012 halo mudanca ba sira nia pozisaun iha debate OJE ne’e. Iha momentu ne’eba mos mosu lian kmanek husi Xanana ho Alkatiri hodi hahi no hanai malu iha plenaria.
Iha aprovasaun, bankada opozisaun FRETILIN foo votus apoiu total ba OJE 2013 maske menus de’it deputadu ida, tan ba karik finje ba tiha haris fatin.
“Ha’u haree iha tinan ne’e, membru do governu sira maka sai fali opozisaun ba Primeiru Ministru Xanana, tan sira la gosta haree lideranca antigu sira ne’e hamutuk. Nune’e maka sira halo boikota ba programa PM ninian liu husi dalan halo tarde ba ezekusaun Orsamentu do Estadu 2013,” dehan Rui Castro, emprezariu Timor oan ida iha Kapital Nasaun, Dili.
Tuir ninia haree katak durante tinan lima wainhira FRETILIN hili dalan opozisaun total ezekusaun iha Orsamentu do Estadu la’o di’ak lo’os maibe wainhira CNRT ho FRETILIN hahu namora malu, ezekusaun OJE tinan ne’e la’o la di’ak fali.
“Ita bele nota katak membru do governu sira ne’e hahu duvidas ho sira nia servisu no hahu deskonfia ba Maun Bo’ot Xanana ninia gerak-gerik ne’e. Nune’e sira hakarak halo para Primeiru Ministru mos falha tiha iha mandatu,” nia haktuir.
Deskonfianca ne’e la’os de’it mai husi emprezariu sira, maibe iha fulan rua kotuk membru principal balun husi Partidu CNRT mos preokupa ho situasaun tarde iha ezekusaun Orsamentu Jeral do Estadu tinan ne’e.
“Ami iha Partidu laran mos deskonfia maka’as hela katak membru do governu balun maka halo manobras hodi halo tarde OJE ne’e para hatudu katak maun Xanana mos gagal,” dehan membru principal ida husi CNRT ne’ebe husu atu labele publika ninia identidade.
Politikus sira ne’e deskonfia katak failansu ne’e mosu tan ba mudanca sistema financeiru ne’ebe halo iha tinan klaran.
Daudaun ne'e Partidu CNRT "kaben" hela ho partidu PD no FRENTE
MUDANCA maibe iha parte seluk mosu deskonfianca katak partidu CNRT
hamosu hela "KAMA RUAK" ho partidu opozisaun. info husi: Tempo Semanal
Komentario :
______________________________________________________________
Judul: Xanana - Alkatiri "SELINGKUH" Membru Governu "CEMBURU"
Rating: 100% based on 99998 ratings. 5 user reviews.
Ditulis Oleh 01.54
Rating: 100% based on 99998 ratings. 5 user reviews.
Ditulis Oleh 01.54
