Info Timor-Governu Australia liu husi nia embaxador ba Timor-Leste, Peter Doyle, hatete katak governu Australia prontu apoiu governu Timor Leste atu hala’o jestaun ba Lafaek iha Timor-Leste ne’ebé maka to’o ohin loron kuaze halakon povu barak nia vida. Liu husi sorumutu entre embaxador ho Vice Primeiru Ministru, Fernando La Sama de Araujo iha Palasio Governu Segunda ne’e (17/3) nakonu ho amizade hodi koalia liu tan sobre relasaun koperasaun nasaun vizinhu Australia ho Timor Leste durante ne’e iha area barak.
Embaxador Peter Doyle esplika katak nia parte kontinua atu mantein relasaun amizade ne’ebé iha ona durante ne’e, no buka atu fo apoiu nafatin ba governu Timor-Leste tuir nesesidade ne’ebé nasaun ne’e iha.
Liu husi karta komunikadu ne’ebé maka Jornal Nacional Diário simu iha loron Tersa (18/03), husi Gabinete Vice Primeiru Ministru (VPM) katak iha sorumutu ne’e koalia sobre seitor saúde no edukasaun sai núdar seitor importante ida ne’ebé maka presiza apoio makas.
Vise Primeiru Ministru, mós realsa liu-tan katak oras ne’e dadaun governu mos hala’o hela esforsu atu oinsa halo jestaun ne’ebe di’ak ba lafaek iha Timor-Leste tamba konsidera katak Australia iha esperensia sufisiente atu maneja moris lafaek nian.
Vise Primeiru Ministru husu atu Australia mós bele fo sira nia apoiu iha area jestaun ba lafaek nian.
Hatan ba kestaun ne’e, embaixador Australia ba Timor-Leste, Doyle hateten katak ninia parte prontu fo apoiu ba realizasaun hosi idea ida ne’e, no sujere ba entidades Timor-Leste nian atu identifika parte hirak ne’ebé importante husi idea ne’e, atu nune’e Australia bele fo apoiu iha ninia implementasaun.
Embaixador, Peter Doyle hahuu hala’o ninia misaun iha Timor-Leste iha inisiu tinan ida ne’e (2014) hodi troka eis embaixador Miles Armitage. Molok hala’o ninia misaun foun iha Timor-Leste, embaixador Doyle sai nudar embaixador Australia nian ba nasaun Turquia.Jndiario
Komentariu :
Judul: Australia Prontu Apoiu TL Halo Jestaun Ba Lafaek
Rating: 100% based on 99998 ratings. 5 user reviews.
Ditulis Oleh 12.48
Rating: 100% based on 99998 ratings. 5 user reviews.
Ditulis Oleh 12.48
