Info Timor-Ministeriu Publiku (MP) notifika Nidio Januario hanesan arguido, tanba komete krime integridade fiziku simples, hasoru nia fen Sandra da Cunha. Hafoin ho brutalidade, baku, tuku no tebe tiha nia fen, Nidio saran lia maka’s hodi dehan, nia nunka tauk atu tama komarka. Basa, iha nia neon laran konsdera komarka ne’e atu sulan ema, la’os fahi ka animal sira seluk.Iha loron 25 Outubru 2013, Nidio oin manas buka tuir Sandra atu oho tiha, nune’e nia husu ba labarik uma laran atu hatudu Sandra. Maibe, labarik sira ho tauk lakoalia buat ruma ba nia. Nune’e, Nidio halo esfosu buka hetan kedas Sandra iha uma kotuk, hodi baku, tuku no tebe Sandra hanesan buat laek ida.
Ho Nidio nia hahalok ne’e, halo Sandra tauk no trauma tebes. Ho nune’e, Sandra halai ba husu akudi iha vizinhu sira, maibe Nidio la fo tempu. Nia tuir nafatin hodi ba purada Sandra iha ema nia uma laran hodi ameasa tan atu oho tiha.
Ba hahalok Nidio nian ne’e, MP akuza Nidio komete krime ofensas integridade fisiku simples tuir kodigu penal TL.
Iha julgamentu arguido Nidio hatete, akuzasaun ne’e balun los no balun lalos. Iha altura ne’e nia laos basa iha nia kanuruk, maibe atu baku iha nia oin mak lezada fila hodi kona fali ba iha nia kanuruk. Ne’ebe, nia la’os baku maibe nia tebe deit. No kazu ne’e akontese tanba lezada mak sempre provoka uluk situasaun, tanba lezada sempre diskunafia hela deit arguido. No impede hela deit iha servisu fatin, ne’e mak hodi mosu akontesementu ne’e.
Iha fatin hanesan Sandara ne’ebe MP notifika hanesan lezada lia tun ba Tribunal katak, memento neba nia prepara hela hahan ba kalan nian. Maibe, derepenti deit Nidio tama tuir ba la koalia barak. Lima-ain sae dala ida deit ba nia leten. Ho nune’e, nia tauk halai ba vizinhu nia uma mos Nidio tuir nafatin ba hodi purada sigidus deit to’o ameasa atu oho tan.
“Nia baku hau ne’e laos foin mak primeira ves, maibe hahu kedas iha ami nia oan primeiro to’o datoluk ne’e. Nia halo hela deit hahalok hanesan ne’e mai hau, nia baku hela deit hau no hasai liafuan at mai hau. Maibe tanba halo juramentu iha igreja no oan sira nia futuro hau la halo keixa mai iha MP. Tanba ida ne’e laos foin primeiraves nia halo mai halo, maibe nia halo bebeik ona. Hau sempre provoka no sunu nia tanba hahalok mak halo hau sempre sunu nia, tanba nia fila husi servisu ba uma iha tuku 12 kalan bot ho lanu todan. No bainhira hau koalia nia lakohi atu rona, I hau mos hare ho matan nia lao fali ho feto seluk ne’e mak hau sunu nia,” dehan Sandra ba tribunal.
Rona tiha deklarasaun husi parte rua, Tribunal husu ba parte MP no defeza atu halo alegasaun ba kazu ne’e. Nunee parte MP husu ba tribunal atu aplika pena prizaun tinan 3 no suspende tiha ba tinan 4 tanba parte rua hakarak simu malu fali, entaun ho pena suspensaun ne’e bele prevene mosu konflitu entre parte rua nian.
Iha parte seluk defeza hatete, tanba tuir keixa ne’ebe mak tama iha MP ne’e arguido foin primeiraves halo no ba futuru nia sei la halo tan. No nia rasik arepende ona ba nia hahalok ne’e. Tanba ne’e defeza husu ba tribunal atu aplika pena prizaun fulan 6 no suspende ba tinan ida.
Audensia julgamentu ne’e prezidi husi juis singular Jose Maria, MP reprezenta prokurador Hernani Rangel, arguido hetan asistensia legal husi defensor publiku Sebastiao Amado. Jndiario
Komentariu :
Judul: Baku Tiha Fen, Teberai La Tauk Tama Komarka
Rating: 100% based on 99998 ratings. 5 user reviews.
Ditulis Oleh 12.18
Rating: 100% based on 99998 ratings. 5 user reviews.
Ditulis Oleh 12.18
