Bolseiru MPRM Iha UGM Graduadu

Info Timor-Bolseiru Ministériu Petroleu no Rekursus Minerais (MPRM) na’in rua iha Universidade Gajah Mada  (UGM) Jogjakarta hala’o graduasaun Lisensiatura iha loron, 19 fulan Fevereiru 2014. Sira na’in rua nu’udar primeiru bolseiru ne’ebé hala’o graduasaun Lisensiatura iha UGM husi total bolseiru na’in 41.

“Bolseiru na’in rua ne’ebé graduadu mak hanesan, 1. Victor Aleluia de Sousa Vicente, graduadu iha Fakuldade Geolojia no 2. Moises Soares, graduadu iha Fakuldade Geofisika. Graduadu nain rua ne’e hahú sira nia estudu iha universidade refere iha tinan 2009″, informa nota komunikadu imprensa ne’ebé redasaun Jornal Nacional Diário simu iha Kinta feira (06/03).

Dokumentu ba imprensa ne’e akresenta katak, serimonia graduasaun ba bolseiru na’in rua ne’e asiste diretamente husi Directora Administrasaun no Finansas, Rosa Hanjan Morato ne’ebé reprezenta Ministru do Petroleu no Rekusus Minerais no Xefi Departamentu Bolsa Estudu no relasaun internasionál, Ana Lucinda Ribeiro.

Xefi Departamentu Bolsa Estudu no Relasaun Internasionál, Ana Lucinda Ribeiro hateten katak,  serimonia graduasaun ba bolseiru na’in 2 ne’e  signifika katak, esforsu no sakrífisiu husi bolseiru na’in rua  durante tinan 5 nia laran iha banku Universidade  remata ona, ba oin sira tenki uza matenek hodi dezenvolve sira nia-an hodi kontribui ba dezenvovimentu nasionál.

“Primeiru lugar ami hato’o parabens ba graduadu na’in rua no inan aman sira ne’ebé sempre ativu akompaiña oan sira nia prosesu estudu i graduasaun ne’e la’os fin husi buat hotu maibé hanesan primeiru pasu ba graduadu sira atu hakat ba oin no prátika sira nia matenek hodi kontribui ba dezenvolvimentu setor petroleu no Gas”, nia hateten liu husi nota komunikadu ne’e.”

Entretantu, inan aman sira ne’ebé asisite graduasaun ne’e espresa sira nia sentimentu haksolok no  agradese ba Governu liu husi Ministeriu Petroleu no Rekursus  Minerais ne’ebé fó atensaun maka’as ba kapasitasaun rekursu humanu iha setor petroleu

Alénde bolseiru na’in rua ne’e, iha ona bolseiru na’in 3 ne’ebé graduadu iha Diploma Giodesi iha Tinan 2013, no oras ne’e kontinua hela estudu atu kompleta lisensiatura iha Institutu Teknolojia Nasional Malang – ITN.

“Actual Bolseiru MPRM iha Universidade Gajah Mada (UGM)  hamutuk na’in 36 ne’ebé kompostu husi mane na’in 25 no feto na’in 11. Bolseiru sira ne’e, balun sei remata sira nia estudu iha Outubru 2014 no balun iha Juñu 2015″, nota informasaun ne’e haklaken.Jndiario.com

Komentario : 

• Tweet

Judul: Bolseiru MPRM Iha UGM Graduadu
Rating: 100% based on 99998 ratings. 5 user reviews.
Ditulis Oleh Nelson Blog 04.29

Artikel Terkait :