Info Timor-Komandante Operasaun Nasional PNTL,
Superentendente Xefi Armando Monteiro informa, durante Polisia Nasional
Timor-Leste (PNTL) halao operasaun iha tempu kalan ba transporte publiku
konsege hetan sasan kroat barak hanesan tudik no katana.
“Relasiona ho situasaun ne’e ami kalan
halo operasaun konsege hetan sasan kroat barak, hanesan tudik, katana no
tan sasan kroat sira seluk,”Komandante Armando Monteiro relata asuntu
ne’e ba Jornalista sira iha Kuartel Jeral PNTL Caicoli, Dili Segunda
(17/03) horseik.
Komandante ne’e haktuir tan, operasaun
ne’e laos tanba problema ne’ebe mak foin lalais ne’e mak halao
oprerasaun ne’e, maibe antis ne’e Polisia halao nafatin hodi prevene
situasaun seguransa rai laran.
Sasan kroat ne’ebe mak prende ne’e barak
mak mai husi distrito 13 tantu husi sasan hirak ne’e iha hela komando
distrito no sei lori mai iha komando PNTL nasional.
Armando Monteiro dehan tan, iha tempu
operasaun kalan ne’e mos laos deit ba sasan kroat, maibe mos ba
dokumentus ba transporte no mos motor sira, nune’e mos ba kartaun
eleitoral sidadaun ninian, tanba agora dadaun ema ilegal tama barak iha
ita nia rain. Entretantu antis ne’e komandante Polisia Transzitu
Nasional, Inspektur Xefi António L. C. Soares hateten katak, sira halo
check point kal-kalan no iha check point ne’e sira konsege hetan sasan
kro’at hirak ne’e.
“Ami halao check point ne’e iha
kalan-kalan, maibe laos ba sasan kroat deit maibe mos ba dokumentus
kareta nian no mos motor ninian,”dehan Komandante Transzitu Nasional.
Tantu, operasaun ka check point ne’e
to’o oras ne’e kontinua lao nafatin maske situasaun dadaun kontroladu
para bele prevene nafatin seguransa rai laran nune’e nafatin iha
estabilidade.Jndiario
Komentario :
Judul: Operasaun Kalan, PNTL Prende Sasan Kroat
Rating: 100% based on 99998 ratings. 5 user reviews.
Ditulis Oleh 23.43
Rating: 100% based on 99998 ratings. 5 user reviews.
Ditulis Oleh 23.43
