Info Timor-Kompañia BTK ne’ebé mak halo servisu
loke luan estrada dirasaun Distritu Dili-Ermera, Domingo (09/03),
konsege hetan fatuk mean ida, iha Aldeia Besoi, Suku Tibar, Subdistritu
Bazartete, Distritu Liquiça, maibé infelizmente fatuk ne’e la’os osan
mean, maibé fatuk rite.
Wainhira BTK hetan fatuk ne’e,
traballadores no populasaun sira iha área Besoi ne’e sente hakfodak no
admira tanba hanoin katak, fatuk lolon ida ne’e osan mean, tanba fó
roman ne’ebé mak nabilan lós hanesan osan mean.
Ho ida ne’e dirijentes Kompañia BTK nian
kontaktu kedas ho governu hodi informa ba governu konaba buat hotu
ne’ebé mak sira haree ho matan.
Primeiru Ministru Kay Rala Xanana Gusmão
rona tiha nutísia di’ak ne’e, organiza kedas ninia membru Governu balun
inklui mós emprezáriu nasionál balun ba to’o kedas iha fatin fatuk rite
ne’e hodi haree rasik ho matan.
Primeiru Ministru Kay Rala Xanana Gusmão
orienta Ministru Petroleum e Rekursu Minerais Alfredo Pires, no
Ministru Alfredo Pires kontinua orienta tan Institutu of Petroleum and
Geology (IPG) hodi realidade ne’ebé mak iha Besoi.
Depois halo tiha identifikasaun ba fatuk
ne’e, Prezidenti IPG Hélio Casimiro Guterres hateten katak, iha ne’eba
iha duni fatuk ida, maibé la’os fatuk osan mean. Fatuk ne’e naran rite.
Rite ne’e mósu tanba forma husi mineral ida ne’ebé sai asosisaun ho
fatuk ida, ne’ebé mak iha ne’eba ne’e, ninia minerál indikatór, la’os
minerál prinsipál.
“Iha lokraik ne’e kedas, ami hetan
orientasaun husi Primeiru Ministru Kay Rala Xanana Gusmão, no mós
Ministru ami nian, entaun ha’u rasik mak ba to’o iha ne’ebá duni, ha’u
haree fatuk ne’e, maibé fatuk ne’e teknikamente ha’u haree, fatuk ne’e
la’os osan mean,”informa Hélio Casimiro Guterres ba Jornalista sira iha
Palácio Governu, Segunda, (10/3).
Maibé ida ne’e mós, depende ba nia fatuk
inan, tanba fatuk inan ne’ebé mósu iha fatin ne’ebá, fatuk inan
metamorfik, i fatuk ne’e mós nia progresu mós gráfika. Entaun gráfika
ne’e ninia transformasaun mak sai fali ba minerál rite. Tanba ne’e fatuk
ne’e la’os osan mean ida.
Helio Casimiro Guterres dehan, fatuk
ne’e la’os minerál ekonomia, nomós la’os minerál ida ne’ebé dehan katak
osan mean, ida ne’e asosiadu ba fatuk ida.
Tanba ne’e Prezidenti IPG ne’e dehan,
prosesu haluan estrada husi Tibar ba Ermera ne’e sei kontinua nafatin.
Ekipa téknika sira horseik mós fó ona autorizasaun ba kompañia BTK atu
kontinua hala’o nafatin projetu ne’e, tanba fatuk ne’e la’os fatuk osan
mean.
“Horseik ha’u fó tiha ona mensajen ba
Ministru Petroleum dehan katak, ida ne’e la’os fatuk osan mean, tanba
ne’e estrada kontinua la’o nafatin,”relata Hélio Casimiro Guterres.
Maibé Hélio Casimiro akresenta katak,
tenki mós haree didi’ak estrada ne’e intermus téknika nian, tanba bee
mós mósu iha ne’ebá, bee ne’e sei halo rai halai nafatin. Jndiario
Komentario :
Judul: Fatuk Besoi La’os Osan Mean
Rating: 100% based on 99998 ratings. 5 user reviews.
Ditulis Oleh 03.55
Rating: 100% based on 99998 ratings. 5 user reviews.
Ditulis Oleh 03.55
