Info Timor-Governu liu husi Sekretario Estado
Defeza (SED) planu ona iha futuru mai sei hari’i Hospital ba
Falintil-Forsa Defeza Timor-Leste (F-FDTL).
“Agora dadauk F-FDTL foin mak iha ona
ninia klinika rasik, maibe iha ami mos planu ona atu hari’i tan Hospital
ba sira, maske klinika iha ona mais ekipamentus mediku nian balun
seidauk kompletu,” dehan Julio Tómas Pinto ba Jornalista sira iha
Metinaru, Tersa (4/03) ne’e.
Maske nune’e Julio Tomas Pinto informa katak, Governante ne’e tau ona orsamentu oitoan hodi hola ekipamentus mediku ninian.
“Ita la’os atu hari’i tan klinika, mais
atu hari’i hospital militar tanba ita kada tinan sempre partisipa iha
reuniaun iha hospital militar ninian iha Comunidade Paízes Lingua
Portuguesa (CPLP) nian,”dehan nia.
Maske iha futuru mai mak hari’i hospital
militar, maibe husi agora tenke investe kedas ona atu nune’e iha futuru
mai halo buat barak liu tan, hanesan aumenta tan rekursus humanus.
Antes ne’e mos Xefi Estado Maior General
F-FDTL, Maijor General Lere Anan Timur hateten, iha futuru mai bele iha
ona hospital ba militar atu nune’e militar sira bele halo Cek Up ba
sira nia saude ho diak atu nune’e bele halo serbisu no hala’o kna’ar
diak liu tan hodi defende estabilidade nasaun nian e ho esperansa
Governu bele tau atensaun ba asuntu refere.
Tantu tuir observasaun Jornal Nasional
Diario (JND) iha klinika Militar nian iha Metinaru hare katak, klinika
ne’e kapas teb-tebes, maibe ekipamentus balun mak sei falta. Jndiario
Komentario :
Judul: Governu Sei Hari’i Hospital Militar
Rating: 100% based on 99998 ratings. 5 user reviews.
Ditulis Oleh 03.48
Rating: 100% based on 99998 ratings. 5 user reviews.
Ditulis Oleh 03.48
