“Mate isin ne’e lori mai husi PNTL, ami
halo otopsia hotu sei intrega ba familia para lori ba iha nia hela fatin
no rezultadu otopsia ami entrega ba MP,” dehan Laura ba jornalista sira
iha nia servisu fatin HNGV Bidau, Segunda (24/2).Matebian Julio Pinto nebe ema
deskoñesidu oho iha Domingo (23/2) madrugada iha Pantai Kelapa area
Ministeriu Negocius Estranjeirus Koperasaun (MNEK) nia oin nee polisia
identifika ona sasin nain 3 .
Sasin sira nee polisia identifika liu
husi kamera CCTV Ministeriu Negocius Koperasaun nebe durante nee monta
iha edifisiu MNEK nia oin hodi grava movimentu tomak iha Ministeriu
Negocius Estranjeirus nian.
Matebian Julio Pinto nudar estudante
Escola Tecnico Vocasional ka Sekolah Teknik Menenggah (STM) Becora, Dili
klase III nee ema deskoñesidu sona ho tudik iha parte kanotak.
Matebian nee mate ho idade tinan 20.
Matebian Julio Pinto oan husi Francisco Pinto no Maria, matebian nudar
oan iku husi maun nain sia.
Too notisia nee fo sai polisia seidauk hatene motivu akontesimentu nee tamba sei iha prosesu investigasaun.
Matebian Julio Pinto husi Aldeia
Lauaba, Suco Loihulu, Sub Distrito Uatucarbau, Distrito Viquque lori ba
iha mortoariu Hospital Nasional Guido Valadares (HNGV) hodi otopsia.
Kazu nee, Polisia kaptura sasin nain 3
tanba sasin nain 3 ne’e antis ne’e hemu tua hamutuk ho vitima. Sasin
nain 3 nebe polisia kaputura nee iha relasaun familia vitima rasik.
“ Sasin nain 3 ne’e, ida vitima nia
primo rasik no rua seluk vitima nia kolega. Mas iha momentu ami kaer
sira hateten kalan ne’e sira hemu tua hamutuk. Mas depois iha dadersan
rona fali vitima mate sira mos hakfodak, tanba ne’e oras nee dadaun ami
detein hela sasin nain 3 atu hodi bele fo informasaun klaru,”informa
Komadante SIK, superintedente, Calisto Gonzaga, ba Jornalista sira iha
Kuartel Jeral PNTL Caicoli Dili, Segunda(24/02) horseik.
Komandante SIK hatutan katak, sira sei
investiga ba iha vitima nia mate fatin ne’ebe iha momentu ne’eba, tanba
iha mos Motor ida maka para iha area akontesementu.
Calisto haktuir tan, antis vitima mate
nia sei sai ho nia kolega depois dehan Motor ne’e avaria entaun nia
kolega ne’e fila tiha depois nia mesak no dadersan maka hetan fali
vitima ne’e ho kondisuan mate.
Rezultadu Otopsia Entrega Ona Ba MP
Mate isin nebe polisia lori ba iha HNGV
iha segunda (24/2) halo kedas otopsia no resultadu otopsira parte HNGV
entrega ona ba Ministeriu Publiku (MP) hodi sai dokumentu atu bele
fundamenta iha tribunal.
Matebian Julio mate ho idade tinan 20
nudar estudante Eskola Tekniku Becora (STM) departamentu Informatica
klase 3, durante ne’e matebian halao negosiu faan telefone iha Colmera
no faan motor iha tasi ibun Lecidere.
Tuir Ruben Ximenes nudar matebian nia
kolega eskola katak, matebian nudar labarik ida ne’ebe fo nia an tomak
ba aprende no nunka mete iha problema ka grupu.
Nunee mos Bento da Costa nudar nia
kolega faan telefone senti triste tanba lakon kolega diak ida, durante
tinan tolu hamutuk faan telefone iha Colmera matebian ne’e nunka halo
problema no mete problema.
Bainhira matebian Julio Pinto hetan tiha
otopsia husi parte ospital horseik, mate isin entrega kedas ba familia
hodi ba haloot, maibe familia vitima ho laran triste hodi husu ba parte
kompetente atu buka lalais suspeitu hodi lori ba tribunal.
Xefi Morturio HNGV, Laura Martins
esplika, mate isin Julio Pinto lori husi Policia Nasional Timor Leste
(PNTL) iha Dominggo mais ou menus oras tuku 8 dader, iha momentu ne’e
ospital labele halo otopsia kedas tanba tenki hetan autorizasaun husi
Ministerio Publiku, entaun foin ohin (horseik,red) mak halo otopsia hodi
entrega kedas ba familia.
Jaime Miranda Batista nudar matebian nia
aman kiik hatete, familia senti triste, tanba matebian hakotu nia is
sein razaun nune’e husu ba autoridade komptenti atu halo investigasaun
ne’ebe porfundu hodi prosesa autor tuir lei ne’ebe vigor.
“ Ami to’o ohin loron sidauk hatene nia
motivu tanba ne’e ami intrega total ba autoridade ne’ebe kompetenti
tanba ho investigasaun mak ita bele hatene no tanba akontesementu ne’e
iha MNEK nia oin entaun CC TV detekta entaun karik bele hare mos iha
CCTV ho ida ne’e policia bele buka tuir ema ne’ebe oho tiha ona ami nia
ema,” dehan nia.
Nia hatutan, nia subrinho ne’e ema ida
ne’ebe lagosta mete problema no nunka buka problema ne’ebe gosta ransu
ho kualker ema tanba ne’e hakfodak bainhira rona katak nia subrinho ne’e
mate.
Jaime Miranda konta tuir katak, antes
matebian hetan sona, matebian ho nia primu no nia kolega ida hemu tua
iha matebian nia hela fatin Cacaulidun, kuaze kalan tomak. Nia sai husi
Cacaulidun iha oras tuku 4 ho balun tula malu ho nia primu atu nia maun
nia uma iha Pantai Kelapa, tanba nia maun ba halo lia iha Uatucarbau,
nune’e haruka nia ba hein uma maibe sidauk to’o iha uma nia hetan ona
ajar.
“Molok policia to’o ba nia iis kotu,
policia bolu kedas nia primu ne’ebe momentu ne’e sira nain rua tula malu
ho ida seluk ne’ebe sira hemu tua hamutuk ne’e hodi investiga maibe
buat hotu depende ba evidensia,” dehan nia.
Nia haktuir nafatin, tuir informasaun,
antes nia mate ne’e iha loron rua ou tolu liu ba matebian ho nia primu
ida ne’ebe sira lao hamutuk ne’e konsege diskuti malu tanba kapaseti
lakon, maibe depende ba evidensia ne’ebe mosu.
Mate isin Julio Pinto sei lori ba iha
nia knua Suku Loilubu Subdistritu Watucarbau Distritu Viqueque depois de
lori uluk ba iha nia hela fatin Cacaulidun, Bairo Pite. info husi : Jndiario.com
Komentario :
_____________________________________________________________________
Judul: Kazu Homicidio Pantai Kelapa Polisia Identifika Sasin 3 Husi Kamera CCTV MNEK
Rating: 100% based on 99998 ratings. 5 user reviews.
Ditulis Oleh 22.45
Rating: 100% based on 99998 ratings. 5 user reviews.
Ditulis Oleh 22.45
