Embaixador Qatar ba Indonesia Muhamad
Qatar Alhatar informa katak, iha tempu badak Qatar sei harii ninia
embaixada iha Timor Leste (TL), hodi hametin liu tan koperasaun
bilateral ne’ebé hala’o tiha ona entre nasaun rua ne’e.
Ligasaun entre TL-Qatar durante ne’e
la’o di’ak teb-tebes, no tenta atu dezenvolve liu tan ka hametin liu tan
relasaun ida ne’e iha futuru. “Ha’u hanoin katak, MoU entre Timor
Leste ita bele halo liu tan, para ita bele realiza programa nasaun rua
ne’e nian. Qatar sei harii Embaixada iha Timor Leste no Qatar mós husu
Timor Leste atu harii Embaixada iha Qatar,”informa Embaixador Qatar ba
Indonesia Muhamad Qatar Alhatar ba jornalista sira iha Palácio governu
Tersa, (25/2) hafoin hasoru malu ho Primeiru Ministru Kay Rala Xanana
Gusmão.
Nia dehan, bainhira Timor Leste fó ona
rai, Qatar prontu atu loke ona ninia embaixada iha Timor Leste ne’e,
tanba oras ne’e dadaun, Qatar nia embaixada funsiona iha Indonesia.
“Relasaun ne’ebé durante ne’e Timor
Leste hala’o tiha ona mak hanesan relasaun komérsiu, relasaun bilateral,
no buat sel-seluk tan”, hateten nia.
Muhamad hatutan, Timor Leste hanesan
nasaun ida ne’ebé importante teb-tebes ba Qatar. Tanba ne’e ba oin,
relasaun entre Timor Leste ho Qatar ne’ebé la’o dadauk ona ne’e, bele
di’ak liu tan. No buat sira ne’ebé mak durante ne’e Qatar apoia ona ba
Timor Leste mak hanesan, ekonomia, sosiál no buat seluk tan.
“Ami prontu ba kualker ligasaun hodi ami
bele fó ami nia ajudus mai Timor Leste. Ohin ami mai hasoru malu ho
Primeiru Ministru Kay Rala Xanana Gusmão, formalmente konkorda tiha ona,
MoU mós asina tiha ona, agora hein deit para bele implementa,”haklaken
Muhamad.
Iha sorumutu ne’e, PM Xanana mós hateten
ona katak, governu sei haree rai para oferese ba Qatar atu bele loke
ninia embaixada iha Timor Leste. info husi : Jndiario
Komentario :
_______________________________________________________________________
Judul: Nasaun Qatar Sei Harii Embaixada Iha TL
Rating: 100% based on 99998 ratings. 5 user reviews.
Ditulis Oleh 23.05
Rating: 100% based on 99998 ratings. 5 user reviews.
Ditulis Oleh 23.05
