DILI-Primeiru
Ministru Kay Rala Xanana Gusmao deskobre frakeza Komisaun Anti
Korupsaun (KAK) ne'ebe durante ne'e uza meius hodi halo investigasaun
ba ninia membru governu sira, tanba ekipa investigador husi KAK husu
fali pergunta ne'ebe la-merese atu husu.
PM
mós konsidera KAK laiha kapasidade masimu atu investiga nia membru
governu sira, tanbá bainhira diretores sira hetan investigasaun husu
fali audisional ba nia membru governu sira.
“Ohin
loron ha’u triste oituan, tanbá husi organizasoens balun ora-oras ne’e
de’it bolu ha’u ema sira. Tinan kotuk diretores barak maka kero ha’u ,
PM, sé ha’u semana rua-rua KAK bolu ha’u, ha’u lakohi servisu ona. Sé
ha’u ema hotu dehan katak ami la-merese servisu ona, bolu KAK mai
servisu ba para ami hare to’ok, sira (KAK) hatene ka la’e,” PM Xanana
hatete liu husi konferénsia imprensia ida ne’ebé organiza husi
Ajénsia Desenvolvimentu Nasionál, Sábadu (14/2).
PM
mós la-konkorda ho organizasaun balun kria situasaun ida ne’ebé
konsidera ema hotu na’ok tén, ne’e estraga ambiente iha rai laran.
“Antes
ne’e ha’u nia direitór balun KAK bolu e depois sira fila mai, ha’u
(Xanana) husu ba sira (direitór) katak sira (KAK) husu saida, sira (KAK)
husu mai ami (direitór) dehan katak audisional ne’e saida, husu fali
tanbá sa maka halo ida ne’e. Tan de’it ponte Komoro KAK bolu tiha ona
ha’u. Ha’u ba aprezenta dokumentu hot-hotu, lei organika governu nian
para sira (KAK) hatene katak Primeiru Ministru ne’e nia kompetensia
saida, ema barak bolu ona ba, sira mai dehan atu ba, ha’u (Xanana) dehan
ba de’it. Ha’u nia membru governu sira ne’e fila-fali mai, ha’u
(Xanana) husu, sira (KAK) husu saida, sira husu hanesan ne’e fali buat
ne’e iha ona planu ka la’e, buat ne’e iha ona osan ka la’e. Ita kunfundi
hotu,” PM Xanana hatutan.
Ho
frakeza ne’ebé KAK infrenta, Xefi Governu mós intrega ofisialmente no
formalmente dokumentu hot-hotu, atu nune’e ekipa investigadores KAK nian
bele lee no estuda didi’ak dokumentu ne’e.
Hafoin
direitór sira KAK bolu, Xefi Governu mós koko aprezenta dokumentu mahar
hamutuk 14 ne’ebé kesi ho tali rafia ba KAK, maibé pergunta ne’ebé KAK
husu pergunta hanesan ho KAK oferese ba ninia membru governu sira, hodi
halo Xefi Governu nervozu ho pergunta KAK nian.
“Tuir
loloos, ba Parlamentu maka ha’u ba defende orsamentu, ha’u dehan iha
programa hanesan ne’e, iha planu hanesan ne’e atu halo, ha’u ezekuta
tiha ona hanesan ne’e, tribunál de kontas maka iha kompetensia husu
ha’u nia responsabilidade, tanbá sa, nusa maka buat ne’e nune’e hela
de’it, o selu fali ida ne’ebá. Loloos ne’e KAK atu dehan katak ha’u
(Xanana) simu osan ka lae , ha’u na’ok ka lae. Ne’ebé KAK maka segredu
de justisa atu labele fó sai no fó hatene ba públiku dehan katak ha’u
hatán saida, di’ak liu lori ha’u ba hatán iha tribunál para povu hatene
dehan ha’u (Xanana) hatán saida, perguntas ne’e saida,” Xefi Governu
hatutan tan.
Xefi
Governu mós fó sai katak KAK haruka surat ida hodi akuza direitór ADN
Samuel Marcal nu’udar suspeitu, maibé Xanana prontu sai suspeitu ba
projetu ne’ebé ADN sobu , tanbá nia (Xanana) maka haruka, no tuir dadus
verifikasaun husi tekniku sira.
Xanana
prontu ba hatán iha tribunál , la’os ba hatán iha KAK tanbá KAK nia
servisu investiga ema ne’ebé na’ok osan povu nian. Xefi Governu mós
la-gosta KAK atrapalla no kahur servisu ho kompetensia tribunál ninian.
Xefi
Governu ko’alia kestaun ne’e, tanbá durante ne’e KAK investiga ninia
membru governu sira la fó sai ba públiku kona-ba modelu kazu ne’ebé
ninia membru governu infrenta, maibé KAK subar de’it iha gaveta.info husi : http://www.diariutimorpost.tl/
Komentario :
_______________________________________________________________________
Judul: PM. Kay Rala Xanana Gusmao Deskobre Frakeza KAK
Rating: 100% based on 99998 ratings. 5 user reviews.
Ditulis Oleh 07.31
Rating: 100% based on 99998 ratings. 5 user reviews.
Ditulis Oleh 07.31
