CHEC Husu Reverifika Tender Aeroportu Suai

DILI-Kompania internasional China Harbour Engineering Company (CHEC) husu ba National Procurement Committee (NPC), ka Komisaun Nasional de Aprovisionamentu (CNA) atu reverifika fali prosesu tenderizasaun bá Aeroprotu Suai no Suai Suplay Base ne’ebé mak halo ona tinan kotuk.

Preokupasaun ne’e CHEC hato’o haree bá realidade, tuir avaliasuan teknika no finanseiru bá tenderizasaun Aeroportu Suai hatudu, CHEC mak diak liu, maibé rezultadu  anúnsia fali kompania Waskita Karya husi Indonézia mak sai vensedor, enkuantu iha avalisaun waskita karya tur iha kuartu lugar ho nia montante orsamentu boot liu fali orasmentu neebe estadu fo sai.

CHEC espera, governu sei fo atensaun bá kestaun ne’e no rezolve problema ne’e ho justu, “Ami realsa dala ida tan katak CHEC ne honestu no respeitavel kompania, nunka hetan sansaun ka investigadu husi Banku Mundial. Desizaun no esklaresimentu husi NPC laiha moralidade no estandes legais,”  Deklara Wang Wei, representante kompania nian iha Timor Leste bá Timor Post atraves sira nia karta komunikadu, Kuarta (05/02).

“Ami mós hare iha membru Parlamentu Nasionál hatudu nia preokupasaun sobre kestaun hirak ne’e. Ami mantein sujestaun atu avalia fila fali prosedur tender nian,” tenik Wang Wei.

CHEC husu NPC atu justifika katak CHEC hetan projetu iha Gabon fundadu husi IFC iha 2014. Projetu ne’e hanaran Gabon Fertilizer Jetty, parte ida husi Gabon Fertilizer Complex Project, ne’e multi-finansiadu husi IFC, African Development Bank, Governo Gabon. CHEC forma JV ho Mitsubishi no manan hela de’it  iha tempo agora ne’e. Timor Leste mos membru husi Banku Mundial, tuir lolos NPC tenke foti fato ne’e em konta.

Fulan kotuk, diariu nee tenta bebeik bá NPC, maibé la hetan reposta, Maske tenderizaun bá Aeroportu Suai no Suai Supply Base ne’ebé anunsia tiha ona katak husi kompana Waskita Karya maka manan, maibé Direitor Comisaun Nasional Aprovizionamentu (CNA), Aniceto do Rosario, lakohi koalia tanba dehan projeitu rua ne’e sei iha prosesu.

 “Tuir lei labele fo sai lai tanba sei iha prosesu nia laran, kuandu prosesu ne’e remata ona maka foin bele fo sai bá públiku,”staff CNA lia tun bá diariu ne’e iha fatin resepsionista, edifisiu NPC Lecidere, Kuarta (15/01).

Enkuatu, tuir Deputadu Inacio Moreira, husi komisaun E, ne’ebé trata asuntu infraestrutura, transporte no komunikasaun diskonfia National Procurement Commission (NPC) iha tendensia KKN iha prosesu avaliasaun bá kompania hirak ne’ebé konkore bá projetu tenderizasaun Aeroportu Suai no Suai Suply Base.

“Ha’u hakarak esplika prosesu sira hanesan ne’e, ne’ebé la tuir dalan, tanba sa mak buat sira ne’e akontese, ha’u hakarak hateten katak ne’e mak hamosu korupsaun, tanba de’it  iha interese terese iha laran,” esplika Deputadu Inacio Moreira bá Timor Post iha PN, Tersa (14/01).

Nia  hatutan, desizaun ne’e la halo tuir lolos kriterius ne’ebé iha tiha ona, tanba ida-idak mai inventa ninia Prosesu tenderizasaun bá Aeroportu Suai halo kedas iha tina kotuk, tenderizasaun ne’e hahu iha fulan Novembru 2013. No tuir nia konesimentu kompania Waskita Karya husi Indonézia nai mak manan tender.

Maibé hare bá kestaun valor osan bo’ot, iha avaliasaun bá kompania Waskita Karya nian iha urutan ke-4 ne’e tenki husu ministeriu kompetente atu responsabiliza, no mós prosesu aprovizionamentu halo avaliasaun bá dokumentu hirak ne’e tenki hare fila-fali.

“Ami akompania Primeiru Ministru mós triste kona-bá filansu hirak ne’e tau hotu iha xefe governu nia leten, ne’ebé halo parlamentu mós atu koalia hotu ladiak,” tenik Inacio.

 info husi : http://www.diariutimorpost.tl/

Komentario : 
______________________________________________________________________

• Tweet

Judul: CHEC Husu Reverifika Tender Aeroportu Suai
Rating: 100% based on 99998 ratings. 5 user reviews.
Ditulis Oleh Nelson Blog 07.40

Artikel Terkait :