DILI—Reprezentante povu iha uma fukun Parlamentu Nasional (PN), husu ba Komandu Polisia Nasional Timor Leste (PNTL), atu halo investigasaun profunda ba grupu Ninja nebe mosu iha Maliana.
“Ita husu ita nia polisia no ajensia intelejensia buka hatene no identifika atividade krime organijadu iha rai laran. Hodi hatene motivu nebe ho karakter ninja nee,” dehan Vise Prezidente Parlamentu Nasional, Aderito Hugo da Costa, ba STL iha Salaun Hotel Timor, Kinta (14/02/2014).
Komunidade Maliana, Distritu Bobonaro,
foin daudaun nee sente preukupa no tauk ho prezensa grupu balun nian iha
area neba. Komunidade sira preukupa no tauk, tanba grupu hirak nee mosu
taka oin metin ho hena (Ninja) hodi sobu no ama komunidade nia uma,
inklui edifisiu publiku iha Sub Distritu Maliana no distritu Bobonaro.
Hugo, hatete kazu mosu ninja iha Maliana,
presiza halo investigasaun didiak hodi hatene trajetu husi atividade
grupu ninja nee nian, nune povu bele hatene lolos motivu husi hahalok
nee, tanba povu labele hela deit ho rumoris no intrepretasaun
negativas.
“Ita presija mak orgaun kompotente tenke buka investigasaun, nune publiku labele hela deit ho rumoris no isu nebe lalos,” tenik Hugo.
Iha parte seluk Deputadu Adriano Joao,
husi bankada PD hatete grupu deskonesidu balun asaltu uma populasaun no
mos esdifisiu estadu nian iha sub Distritu Maliana no Sub Distritu
Bobonaro.
“Iha semana kotuk ema deskonesidu asalta edifisiu diresaun rejional transporte terestre iha Maliana, hodi foti hotu komputador no mos dokumentus, ema deskonesidu nee hatais metan hotu,” dehan Deputadu Adriano.
Grupu deskonesidu nee mos asalta tan
edifisiu rejistu civil Distritu Bobonaro ho uma privadu tolu inkliu
hakanek mos ofisial policia ida tanba ofisial polisia nee lalori pistola
ba uma.
Deputadu PD nee konsidera problema grupu
Ninja nee nian sei defikulta servisu ofisial sira nian atu halo
atendementu ba sidadaun sira nebe atu halo tratamentu ba sira nia karta
kondusaun, tanba sira nia dukumentu ema nauk hotu.
Iha parte seluk Membru Komisaun B Asuntu
seguransa, Defesa no Negosiu Estranjeiru, Cesar Valente, hatete grupu
deskonesidu hirak nee sempre asultu bei-beik komunidade iha distritu
Bobonaro, iha tinan 2010 grupu deskonesidu sira nee konsege nauk laptop
35 iha kolejiu madre sira nian.
“Ami koalia bei-beik servisu intelejensia
ninian, ami la hatene buat sira nee lao halo nusa, ami husu mas iha
terenu kontinua akontese bei-beik,” dehan Cesar. info husi : http://jornal.suara-timor-lorosae.com/
Komentario :
______________________________________________________________________
Judul: Ninja iha Maliana Presiza Investiga Klean
Rating: 100% based on 99998 ratings. 5 user reviews.
Ditulis Oleh 07.47
Rating: 100% based on 99998 ratings. 5 user reviews.
Ditulis Oleh 07.47
