PN Estabelese Komisaun Eventual, Akompana TL Adezaun ba ASEAN

DILI-Prezidenti Parlamentu Nasional Vicente Guterres, deklara Parlamentu sei kria Komisaun Eventual Parlamentar ida ne'ebe sei kompostu husi reprezentante governu ho sosiedade sivil sira atu bele hatene kompleksidade dezafius Timor-Leste  infrenta atu sai membru ASEAN. 

“komisaun ne’e sei involve mos sosiedade sivil, korpu vivu sosiedade para ita bele kontribui ba Timor-Leste  adezaun ba ASEAN i ita mos bele simu ho responsabilidade,”dehan Viçente Guterres ba jornalista sira hafoin abertura seminariu internasionál kona-ba dezafius ekonomikus i finaseirus, uainhira Timor-Leste  adezaun ba ASEAN iha Hotel Ramelau, Ai-Mutin, Díli Karta (12/02).

Viçente hatete, Ho seminariu ida ne’e ita bele hatene kona-ba oinsa timor Leste  bele tama sai membru ASEAN. Aleinde bele hatene kona-ba dezavius, desvantajen no vantajen timor Leste  tama iha ASEAN.

Tanbá tuir Vicente katak, Ita atu tama ba ASEAN persiza rekursu umanu ne’ebe di’ak , tenke sufisiente iha nivel produsaun katak entre importasaun no esportasaun tenke iha balansu. Maibé timor agora barak liu importasaun kompara ho esportasaun.  

Iha fatin hanesan, Ministériu Negosius Estranzeiru no Kooperasaun (MNEK) atravez Sekretáriu  Estadu Asuntus ASEAN, Roberto Sarmento de Oliveira, hatete seminariu internasionál ne’e importante tanbá peritus internasionál fahe sira nia esperiensia kona-ba oinsa sai membru ASEAN.

      “Ita bele dehan oportuni teb-tebes, ba distintus deputadu sira, ba ofisiais governante sira ho mos sosiedade sivil em jeral hodi hare i rona oinsa mak bele hamosu koñesimentu ida ne’ebé mak klean iha ambitu adezaun ba ASEAN ne’e,”dehan Roberto Sarmento.

Governante ne’e mós agradese teb-tebes Prezidenti Parlamentu anunsia kona-ba estabelese Komisaun Eventual Parlamentar nian hodi akompania prosesu adezaun Timor-Leste  ba ASEAN, Nune’e parlamentu ho governu bele hare hamutuk ho klean saida mak ita atu hetan sai hanesan vantazen bo’ot ida uainhira tama ba ASEAN.

Portantu orador internasionál husi Singapura, Deborah Helms, nu’udar Prezidenti da Temasek Foundation Centre for Trade & Negotiation (TFCTN), husu ba Timor-Leste  atu konkretiza mehi ida sai membru ASEAN, maibé antes ne’e tenki priense regras organizasaun mundiál  komersiu nian.

“Uainhira ita bo’o sira tama ona iha Asean ita bo’ot sira mos tama ona iha organizasaun mundiál  de komersiu. Iha ne’e tenki hari ona establese regras hanesan mos hari uma ida, entaun ne’e regras ka lei regulamentu sira organizasaun mundiál  komersiu nian aplika ida ne’e,”Orador internasionál husi Singapura ne’e deklara ba deputadu sira iha Otel Ramela, Ai-Mutin, Díli, Kuarta (12/02/14).

Deborah Helms hatete, Uainhira Timor-Leste  adere ona ba ASEAN, ne’e signifika Timor-Leste  kumpri kedas ona regras ou regulamentu ASEAN nian nomos organizasaun mundiál  de komersiu nian.

Tan ne’e polítika atu tama ASEAN ne’e dezafius ida ne’ebé ambisiozu ba iha merkadu livre ka komersiu livre ASEAN ninian.

“Ha’u la hatete katak ita bo’ot sira labele adere ka tama ba iha ASEAN. La’e ha’u sempre hatete katak ida ne’e sei sai difilkudades, ne’e dezafia ita. Entaun ita hotu enbolve tama ne’e ohin loron sei ko’alia  iha aspektu de tekniku ka ezersiu balun ne’ebé mak Timor-Leste  liuliu tenki la’o ba atu asegura ninia investimentu,” dehan Deborah.info huai : timor post

Komentar : 
 
____________________________________________________________________

• Tweet

Judul: PN Estabelese Komisaun Eventual, Akompana TL Adezaun ba ASEAN
Rating: 100% based on 99998 ratings. 5 user reviews.
Ditulis Oleh Nelson Blog 07.54

Artikel Terkait :