komandante Aisuak nia mate, (ONGV) Dun Ba Familia Matebian.

DILI-Relasiona hokazu Pedro Afin Saldanha, konesidu naran kodiku  komandante Aisuak nia mate, loron hirak liuba,  Ospital Nasional Guidu Valadares (ONGV) dun  ba familia  matebian, tanba lori matebian fila  ba uma. 

“Família la fó hatene dehan pasiente ne’e moras urjente. Maibé, sira sei bá tur no forma tuir liña. Se karik família maka hatene, lori liu kedas bá laran, dala ruma sei la akontese. Moras grave nunka atu haruka  fila bá uma. Maibé nia prosedur maka mai iha fatin rejistu. Sira ne’ebé mai ho kareta urjente la presiza rejista, tama liu kedas mai laran, atu  Doutór observa moras. Sira, b ne’ebé antrian rejista naran ne’e ema moras babain, hanesan hinus ben, mear, isin manas no trauma,” Diretur Klinika Doutór, Aniceto A. Barreto, dehan bá Jornalista sira iha nia servisu fatin ONGV, Díli, Sexta Feira 07/02.

Diretór  ne’e triste, tanbá seidauk hetan asistensia médiku, foin rejistu de’it pois família  sira lori fila fali bá uma, bele akontes nervozu afeita mos bá nia saúde.

“Família  maka la kohi motiva moras ne’e, atu labele fila bá uma. Tuir lolos bele augenta oituan, hein minute ida rua médiku sira hodi halo atendementu. Pesoal sira iha triajen ne’e bolu naran dala tolu laiha, dehan fila bá uma. Entaun bolu fali ema seluk, maka tama fali,” nia dehan tan .

Maibé hau sei bolu atensaun bá sira ne’ebé maka servisu iha emerjénsia , atu seleksi sira ne’ebé maka emerjénsia  duni, atu halo intervensaun bá pasiente sira ne’ebé la ho moras urjente, hanesan hinus been, mear, isin manas hodi atende akzu emerjénsia  sira.

ONGV Dezorganizadu

Entertantu membru Parlamentu Nasionál  (PN) konsidera Ospitál  Nasionál  Guidu Valadares (ONGV) desorganizadau.

Reprezentante povu hato’o kestaun ne’e, relasional horbainruak Pedro Fin Sandanha konesidu ho naran kodigu Komandante Aisuak, ne’ebé uluk subar Prezidenti Republika, Taur Matan Ruak, durante gerilia iha ai-laran hakotu nia iis tanbá hospital la halo atendimemtu.

“Kondisaun Ospitál  Nasionál  Guidu Valadares (ONGV) desorganizadu. Tanbá ha’u loron tolu iha ospitál , kalan rua-loron tolu, ha’u ho ha’u-nia oan bá baixa iha Óspital fatin tur ho toba fatin de’it mos laiha,” Deputadu Inácio  Moreira lamenta iha Parlamentu Nasionál  horsehik.

Inácio  dehan,  “Ha’u ko’us ha’u-nia oan to’o 12 oras kalan, tanbá laiha fatin atu toba. Tuir lolos kondisaun ida hanesan ne’e, labele akontese,”deputadu ne’e konta tuir.

Ne’e tanbá saida? Ministeriu Saúde mak laiha planu, depois servisu arbiru de’it, halo povu ki’ik sai terus bá nia inkapasidade jestaun iha ospitál .

Iha fatin hanesan Deputada Anastacia da Costa, mos informa, horbainruak pasiente sira forma naruk teb-tebes iha sala emerzensia hahu husi 08 oras kanal to’o fali 12 oras kalan.

“Depois Doutór ida atu atende pasiente sira husik abandona hela, ema forma hein hanesan ne’e. Tinan-tinan aprova osan bá Ministeriu Saúde bá mos profesionais saúde sira, maibé realidade hatudu pratika halo atendimentu ladi’ak bá povu,”nia lamenta.

Nia husu bá Ministeriu Saúde atu taun atensaun bá problema ne’e ho seriu  no husu profisionais Timor-oan  sira, tenki halo atendimentu ho nasionalizmu, labele halo tuir ema estranzeiru nian. info husi : timor post

Komentario :

 _______________________________________________________________________

• Tweet

Judul: komandante Aisuak nia mate, (ONGV) Dun Ba Familia Matebian.
Rating: 100% based on 99998 ratings. 5 user reviews.
Ditulis Oleh Nelson Blog 08.00

Artikel Terkait :