PNTL-DNTT Sei Hapara Movimentu Bus Kalan

Polisia Nasional Timor-Leste (PNTL) liu husi Polisia Transzitu Nasional sei kordena ho Diresaun Nasional Transporte Terrestre (DNTT) hodi konkora atu hapara movimentu  Transporte publiku liu-liu Bus ne’ebe maka movimentu iha tempu kalan atu nune’e evita asidente.

“Atu hapara movimentu Bus nebe mak serkula iha tempu kalan ne’e la’os polisia mesak deit maibe presija kordena ho DNTT hodi nune’e fo sai avizu ba kondutores sira, agora dadaun ami haruka tiha ona karta ba sira, tanba movimentu iha tempu kalan ne’e ninia risku iha hanesan bele mos ba iha faktor humanus nune’e mos ba faktor kareta ninian,” dehan Komandante Polisia Unidade Transzitu Nasional, Inspektur Xefi António L. C. Soares ba Jornalista sira iha Kuartel Geral PNTL, Caicoli Dili, Kinta (27/02) horseik.

Nia dehan, Bus movimentu iha kalan ne’e diak, maibe pior liu maka dala ruma Sufer matan dukur no kolen la kontrola kondisaun kareta, entaun bele afeta ba viagem ne’ebe bele hamosu asidente.

Komandante tranzito ne’e haktuir, konaba asuntu ne’ebe refere parte Polisia kordena tiha ona ho DNTT iha tinan kotuk, maibe to’o agora DNTT rasik seidauk fo sai avizu ne’e.

Maske nune’e nia afirma, iha tempu badak Polisia ho DNTT sei aplika regra ne’e hodi hapara movimentu Bus iha tempu kalan hodi Bus bele movimentu deit iha rai loron.

Komandante ne’e afirma katak, nia parte rekoinhese ladauk iha Lei regula Bus movimentu iha rai kalan, maibe atu evita asidente ne’e duni PNTL-ho DNTT) kordena malu hodi fo sai ordem ida ba kondutores sira nune’e labele movimentu iha kalan.

Iha parte seluk Komandante Poltras ne’e, sublinha tan tempu besik komando PNTL liu husi Undade Poltras sei haruka karta ka hatun ordem ba Komando Distrito sira hotu hodi fo hatene ba kondutores sira katak, pasajeiros labele tabele iha kareta.

Oras ne’e dadaun polisia fo hatene tiha ona ba iha DNTT hodi tau iha ajenda, tanbe ne’e ho esperansa tempu besik implimenta planu ne’e para evita asidente. info husi Jndiario

Komentario :

______________________________________________________________________

• Tweet

Judul: PNTL-DNTT Sei Hapara Movimentu Bus Kalan
Rating: 100% based on 99998 ratings. 5 user reviews.
Ditulis Oleh Nelson Blog 22.13

Artikel Terkait :