Avo Jape (Bos Timor Plaza) Atu Halo Bali II iha TL

DILI – Mr Jape Kong Su (84), ho naran konhesidu Avo Plaza iha ninia mehi hakarak fila Dolok-Oan-Hera, sai Bali II (halo Ressort/ressort). Atu konstrui fatin turismu ho luan 32 hektares ne’e, kompanha Dili

Development ho naran konhesidu Timor Plaza, sei selu tekniku profesional husi nasaun 4, Indonezia (Bali), Hong Kong, Taiwan, Singapura, no Australia.

“Avo ne’e ema ida pasensia bo’ot tebes, se ema seluk hanesan ne’e nia lori osan ba investe iha nia rain. Maibe Avo ne’e moris hanesan ema timor entaun avo tenki hadia timor nia turista halo didiak, molok Maromak atu bolu ha’u sei realiza hau nia mehi ida maka atu hari’i ressort boot ida iha Dolok-Oan, tenki sai hanesan Segundu (II) Bali iha Timor,” dehan Jape Kong Su, ba timoroman.com iha Salaun enkontru Timor Plaza Kuarta (19/2/2013).

Nia haktuir, fofoun hari Timor Plaza hari iha tahu laran, Hudi Laran, no iha hakiak Fahi fatin, too sai tiha Timor Plaza sente nee diak nee ita maka sente hotu depois mundu Internasional mos sente dehan ita mos bele, tanba nee buat nebe maka hau promete tan atu halo, hau sei halo didiak no servisu to’o hau mate maka foin bele para, maibe durante sei moris, vida restu nee hakarak uza hodi hadia Timor, la’os atu fo osan direta maibe hanesan dai (rede ikan) hau fo ba, depois timor oan rasik maka uza hodi kaer ikan,” Avo halo piadas ho hamanasa no laran maus los.

Avo sita katak rai lolon hanesan fatin atu halo ressort nee se ema la uza lori halo buat ida entaun nia nunee nafatin, entaun ita aproveita rai mamuk ita lori halo buat ida para lori bolu turista mai, mesmu sasan baun ita estraga maibe ita sei hadia fali, hanesan ita tesi ai iha to’os maibe depois ita kuda fali ai nebe diak,” Jape afirma.

Iha fatin hanesan Asisten Timor Plaza, Quintiliano Moniz de Carvalho mos hatutan katak husu ba timor oan atu servisu hamutuk ho Prezidente Timor Plaza nee, tanba ema nee fuan osan mean, nia vida restu hakarak uja hodi hadia ita nia rain, se ema seluk hanesan nee lori osan nee ba investe fali iha rai seluk,” dehan Quintiliano.

Quintiliano mos hatutan tan katak prosesu konstrusaun ne’e oras nee lao dadaun, mesmu iha reklamasaun husi komunidade ho Governu kona ba propriedade nee maibe Timor Plaza hahu halo dadauk servisu ba konstrusaun Ressort Bali II nee tuir notifikasaun nebe hatoo husi Governu liu husi
Ministeriu da Justisa Diresaun Nasional Terras no Propriedades.

“Rai ne’ebe Estadu fo ba kompanha aluga ne’e iha 32 hektares, nee husi tasi ibun tesik ba iha neba (Hera, red) nee ami aluga tomak, ne’e estadu fo aluga ona ba Dili Development ho naran konhesidu Timor Plaza, arendamentu (aluga,red) ne’e halo ba tinan 50,” hatutan asistente nee.

Quintiliano mos hatutan tekniku profesional nebe atu desenha no palnu hari konstrusaun nee sei mai husi nasaun 4 hanesan Indonezia (Bali), Taiwan, Hong Kong, Singapura no Australia. “Tekniku nebe atu mai ne’e tekniku ne’ebe profesional deit, nebe sira mai para halo desenhu para fo nia matenek ida diak ba timor oan. Maibe, kona ba badaen, ho asistente sira Timor Plaza nakloke tomak ba Timor oan rasik maka tenki ser kaer, tekniku ne’e maka ema tenki mai husi estranjeiru. Sira nebe halo ona estudu ambiental nee sira husi Hongkong, Taiwan, Singapura, Australia, ho mos husi Bali, sira maka sei mai atu hare ba ida nee,” dehan Quintiliano.Jornal  Timoroman

Komentario : 

______________________________________________________________________

• Tweet

Judul: Avo Jape (Bos Timor Plaza) Atu Halo Bali II iha TL
Rating: 100% based on 99998 ratings. 5 user reviews.
Ditulis Oleh Nelson Blog 21.27

Artikel Terkait :