TL Intrega Rai Ba Indonesia

Estadu Timor-Leste (TL) liu husi Ministerio Negosio Estranjeiru no Kooperasaun (MNEK) no Secretario Estadu Teras no Propriedade (SETP) intrega rai ba Embaixador Indonesia iha TL hodi harii sentru cultural Repúblika Indonesia (RI) nian iha TL.

Serimonia asina akordu intrega rai ne’e hala’o iha edifisiu MNEK, Praia dos Coqueiros Dili, Kuarta (26/02), ne’ebé intrega diretamente husi Vice-MNEK, Constancio Pinto no SETP, Jaime Lopes ba embaixador Indonesia mai TL, Primanto Hendrasmoro akompania husi Secretario Estadu Arte no Kultura (SEAK), Maria Isabel Ferreira.

Hafoin intrega rai Ministru MNEK interinu, Constancio Pinto ba jornalista sira hateten katak fatin ba sentru cultural TI nian ne’e sei hal’o iha Merkadu-Lama, Dili. Rei ne’e ho nia luan tres mill metrus kuadradu (3000 meter).

Tamba ne’e liu husi akordu ne’e iha tempo badak Indonesia sei haruka ekipa mai hodi harii sentru cultural refere.

“Akordu ida ohin ne’e konaba ita fo rai para atu halo sentru cultural Indonesia nian ihe ne’e. ita fot iha ona rai, rai uluk polisia Indonesia nian utilija iha Merkadu Lama. Agora sira asina ona kontratu agora sira iha rai ona, sira sei haruka sira nia ema mai para atu halo fatin ne’e, ne’ebé espera iha tina ida ne’e nia laran sira halo hotu para tinan oin mai sir abele iha ona sentru cultural ida ne’ebé funsiona,”informa Vice-MNEK, Constancio Pinto

Sentru cultural ne’e sei la halo dansa no muzika deit maibe sei iha kursu no formasaun oi-oin hodi fo kapasitasaun ba timoroan. Tamba ne’e liu husi estabelesimentu sentru cultural RI nian iha TL bele hametin liu tan relasaun amijade entre povu no nasaun rua ne’e.

Nune’e Embaixador RI ba TL, Primanto Hendrasmoro hateten akordu ne’e hanesan akordansia entre nasaun rua (TL-RI) nian atu halo sentru cultural Indonesia iha Dili, TL.

Nia hatutan liu husi vizita ofisial Prezidente Repúblika, Taur Matan Ruak nian ba Indonesia iha tinan kotuk koalia ona sobre asuntu ida ne’e tamba sentru cultural ne’e bele hametin liu tan relasaun amijade entre povu TL no RI.

“Sentru Kultural harii iha Dili ne’e ho objetivu atu hametin liu tan relasaun entre povu nasaun rua ne’e nian no kultura hanesan buat ida ne’ebé maka diak liu atu hametin relasaun no kooperasaun entre povu nasaun rua ne’e nian,”dehan Primanto Hendrasmoro.

Sentru kultura ne’ebé maka sei harii ne’e la’os haree deit ba muzika maibe sei haree oinsa maka bele hasa’e

kapasidade populasaun nian hodi halo negosio kiik no seluk tan.

Nune’e mós la’os klutura RI nian deit maibe sei haree mós ba kultura TL nian tambaatu harii sentru kultura ne’e atu hametin relasaun entre povu iha parte kultura nian.

Alende ne’e sei iha mós bolsu de estudu ba timoroan sobre kultura ninian tamba oras ne’e dadauk timoroan barak maka hala’o estudu iha Indonesia no Indonesia oan mós barak maka hala’o servisu iha TL tamba ne’e liu husi kultura ne’e sira bele hatene klean liu tan konaba kultura Indonesia no TL nian.

“Sentru Kultura ne’e harii ho objetivu atu hametin liu tan relasaun entre povu nasaun rua (TL-RI) ne’e,”dehan embaixador Indonesia mai TL.

Hafoin asina akordu ne’e RI sei halo promosaun nasional sobre dezeinu nian nune’e ema bele compete hodi halo dezenu sobre kultura Indonesia nian ne’ebé maka sei harii iha TL. Tamba ne’e iha dia 10 mai sei fo sai rezultadu kompetisaun ba dezenu kultura RI nian ne’ebé sei harii iha TL.

Tamba ne’e  TL espera katak iha tinan ida ne’e bele halo ona konstrusaun ba sentru cultural Indonesia nian iha TL atu nune’e antes vizita especial Prezidente RI, Susilo Bambang Yudhoyono nian iha Timor-Leste sentru cultural ne’e bele remata ona. Jndiario

Komentario :

  ____________________________________________________________________

• Tweet

Judul: TL Intrega Rai Ba Indonesia
Rating: 100% based on 99998 ratings. 5 user reviews.
Ditulis Oleh Nelson Blog 02.35

Artikel Terkait :