DILI-Iha dia 21 de Fevereiru,
Komando Geral PNTL sei lansa patrulhamentu 24 oras. Komadante Geral
PNTL, Komisariu Polisia, Longuinhos Monteiro afirma, programa refere sei
implementa ba iha terenu.
Programa nee mos hetan apoiu husi
parseiru PNTL sira. Membru polisia sei monta iha areas sira nebe’e risku
problema. Kareta 6 nebe’e TLPDP oferese ba PNTL, sei fo apoio ba
patrulhamentu 24 oras, hatete Komisariu Longuinhos Monteiro iha Kuartel
Geral PNTL Kaikoli, Dili, Segunda (10/2/2014).
Ho programa refere, PNTL bele atende
lalais ba iha situasaun nebe’e deit no iha fatin nebee deit, hosi Komoro
ba to’o Becora. Programa nee sei realiza kada semana hodi halo analiza
ba relatorio IMS para indentifika prioridade no halo alokasaun rekursu
nian. ”Programa nee lao, simu kedas xamada husi linha emerjensia ninian,
hanesan liga ba 112 atu para polisia bele atende liu husi iha
patrulhamentu iha Dili laran. Nunee mos ba iha distrito 12.
“Populasaun Tomor Leste durante nee hein
duni patrulhamentu PNTL 24 oras. Programa ida nee furak tebes ba
populasaun,” hatete Diretora Geral SES Guilhermina F. Ribeiro. Director
Fundasaun Mahein Nelson Belo mos dehan. Programa ida nee positivu tebes
hodi apoiu diak liutan nesesidade komunidade kona ba seguransa. Ho
programa nee, bele hametin diak liutan paz no estabilidade nasaun. info husi :STL
______________________________________________________________________
Judul: PNTL Sei Lansa Patrulhamentu 24 Oras
Rating: 100% based on 99998 ratings. 5 user reviews.
Ditulis Oleh 08.20
Rating: 100% based on 99998 ratings. 5 user reviews.
Ditulis Oleh 08.20
