DILI-Durante
ne'e mosu esteitmentu oi-oin hahu husi Prezidente Republika, Parlamentu
Nasional, inklui sosiedade sivil sira konsidera meius ne'ebe Ajensia
Dezenvolvimentu Nasional (ADN) uza hodi sobu projetu iha teritoriu
nasional ne'e krime. Maibe Primeiru Ministru, Xanana Gusmao kontra ho
lamentasaun hirak ne'e, tanba ho razaun sobu projetu salva osan estadu
no redus manipulasaun Bill Off Quatntity (BOQ) ho dezenu.
Ho
esteitmentu ne’ebé durante ne’e públiku kestiona, Diretur Ajénsia
Dezenvolvimentu Nasionál (ADN) Samuel Marcal ho Primeiru Ministru Kay
Rala Xanana Gusmão, Sesta (14/02) horisehik halo kedas konferénsia
inprensa iha salaun ADN.
“Ikus-ikus
ne’e iha presepsaun iha komunidade katak ADN nia servisu laloos katak
ADN ba sobu projetu arbiru, ADN atrapalla fali ministériu sira nia
projetus, ADN muda tuun muda sa’e. Tanbá sa mak ami hari’i Ajénsia
Dezenvolvimentu Nasionál, ADN nia funsaun la’os ba projetu fizikus, ita
boot sira hatene ha’u sai, atu kaer buat ida ne’e. Ha’u prontu ba
komarka bainhira dehan sobu projetu ne’e krime,” informa PM Xanana.
Tanbá
tuir Xefe Governu katak Ajénsia Dezenvolvimentu Nasionál hamri’ik ho
misaun ida ne’ebé atu kurize hodi salva osan estadu ne’ebé identifika
manipula Bill Of Quantity husi kompañia sira, no tekniku husi kada
ministériu.
Xefe
Governu katak nia hari’i Ajénsia Dezenvolvimentu Nasionál ho objetivu
atu salva osan estadu, tanbá realidade hatudu katak hahú husi Projetu
Pakote Referendum (PPR) empreza barak maka hari’I kompañia hanesan kios,
tanbá maioria emprezariu sira tabele ba governu.
“Iha
Parlamentu Nasionál temi bebeik ADN fakar osan arbiru. Ho ida ne’e maka
nu’udar Xefe do Governu, ha’u buka kompriende didi’ak liafuan fakar osan
ne’e saida loos, no osan ne’e ha’u fakar osan iha ne’ebé loos ka osan
ne’e fakar iha ne’e ou iha ne’ebá maka ADN nia misaun buat seluk,”tenik
Xefe Governu.
Xanana
hatete bainhira kada ministériu aprezenta projetu fiziku, ministériu
edukasaun aprezenta projetu fizikus todan liu kompara ho ministériu
seluk.
Xefe
Governu mós hakfodak ho projetu fiziku ne’ebé aprezenta husi ministériu
edukasaun, tanbá projetu fizikus barak liu, entaun ADN tenki redus.
Primeiru
Ministru mós identifika obra ne’ebé implementa husi emprezariu sira
laiha kualidade, tanbá la ho laran hodi dezenvolve rai ida ne’e.
“Ita
hari’i ADN hodi hadi’a eiru ne’ebé ne’ebé durante infrenta iha kada
tekniku husi ministériu, tanbá haruka ba mai Bill Of Quantity (BOQ)
nafatin hela de’it, maski antes ne’e ita haruka hadi’a . Dalaruma sira
aprezenta projetu sira, iha projetu ne’e nia laran iha dezeñu kuartu
ki’ik oan ida ho oda matan ida, maibé iha BOQ kuartu neen (6), ho ida
ne’e maka ha’u hari’i ADN,”esplika Xefe Governu.
Ho
faillansu ne’ebé mosu Xefe Governu ho misaun hari’i Ajénsia
Dezenvolvimentu Nasionál (ADN) hodi redus fakar osan arbriu, la’os ADN
maka fakar osan arbiru.
Xanana
dehan Ajénsia Dezenvolvimentu Nasionál hahú servisu iha Abril 2011,
bazeia ba dekretu lei númiru 11/2011 ho objetivu atu avalia dokumentus
ba emprezariu sira to’o hakotu obra.
“Ohin
esplika loloos kna’ar ADN nian ba públiku katak halo avaliasaun ba
méritu no viabilidade husi kapital dezenvolvimentu, segundu halo
supervizaun, fiskalizasaun no sertifikasaun ba kualidade projetu liu
husi progarama kapital dezenvolvimentu, mas koordenasaun ho lina
ministeriais,” dehan PM Xanana.
Xanana mós lamenta ho ema balun dehan katak ADN atrapalla ema seluk, maybe ADN ho intensaun anti fakar osan arbiru. info husi : timor post
Komentario :
_____________________________________________________________________
Judul: Xanana Prontu ba Komarka
Rating: 100% based on 99998 ratings. 5 user reviews.
Ditulis Oleh 08.16
Rating: 100% based on 99998 ratings. 5 user reviews.
Ditulis Oleh 08.16
