Info Timor-Iha Kontrolu Bazeia ba rezultadu monitorizasaun Fundasaun Mahein – FM
ba ezekusaun Osamentu Jeral Estadu 2013 ne’ebé la’o ladun los, FM fo
nota importante ba Parlamentu Nasional – PN Komisaun B atu halo kontrolu
fiskaliza diak liu tan iha ezekusaun OJE 2014 ne’ebé aloka ba MDS.
Kestaun hirak ne’e, Fundasaun Mahein foti iha lansamentu relatoriu
kona-bá “Nota Importante iha Ezekusaun OJE 2014 ba Seitor Defeza no
Siguransa (Prespetiva Sosiedade Sivil)”, iha Timor Plaza, Segunda,
(31/03).
Relatoriu FM kestiaona kona-bá MDS ne’ebé la halo tuir rekomendasaun
Delloitte iha 2012 ne’ebé husi atu hadi’a jestaun hodi tuir lei
aprovizionamentu no pratika diak aprovizionamentu nian. Maibe, tuir
Fundasaun Mahein nia hare’e MDS ladun tau atensaun maka’as ne’ebé ikus
mai aumenta hetok at iha ezekusaun OJE MDS ba 2013 nian.
Tanba, tuir relatoriu FM katak esperiensia ezekusaun OJE tinan 2013
katak kontratu sira iha indisikasaun barak maka la tuir lei
aprovizionamentu haruka. Iha ne’ebé regula kona-bá kontratu sira ho tipu
ajudikasaun direta ne’ebé FM rejista hamutuk projetu 209 ho konkursu
restritu ka indikasaun direta.
Husi FM nia relatoriu ne’e fo nota importante ba Parlamentu Nasional
atu halo fiskalizasaun hahu husi planeamentu, prosesu aprovizionamentu
to’o implementasaun ka realizasaun projetu. Atu nune’e bele garante
liutan responsabilizasaun iha jestaun erariu públiku no kontribui diak
liu tan iha prosesu konsolidasaun instituisaun Estadu hodi responde ba
dezenvolvimentu nasional.
Sekretariu Estadu Defeza – SED Julio Tomas Pinto liu husi ninia
diskursu apresia ba serbisu FM nu’udar sosiadade sivil hodi kontinua fo
hanoin no kritika konstrutivu hodi nune’e bele hadi’a diak liu tan iha
futuru.Timoroman
Komentariu :
Judul: Ezekusaun OJE iha MDS La’o Kadik: FM Konsidera PN Fraku
Rating: 100% based on 99998 ratings. 5 user reviews.
Ditulis Oleh 22.31
Rating: 100% based on 99998 ratings. 5 user reviews.
Ditulis Oleh 22.31
