MTK Inagura Pousada Atauro

Info Timor-Ministru Turismu no Kultura (MTK), Francisco Kalbuady Lay, Sesta (7/3), ofisialmente inagura Pousada Atauro ne’ebe mak ezekuta husi kompanhia Hidayat.

Inagurasaun ba fasilidades turistiku iha Atauro ne’e, partisipa husi autoridade lokal sub-Distritu Atauro, komunidade, inklui direitores nasionais husi Ministeriu Turismu no Kultura nian.

Ministru Kalbuadi Lay ho nia delegasaun, sai husi Dili hakur tasi liu ba Atauro  ho ro ahi tolu (3), kompostu husi ro ahi ida oferese husi kompanhia Hidayat no rua seluk fasilita husi Unidade Polisia Maritima (UPM).

Delegasaun Ministru Kalbuadi nian sai husi Dili, tuku 15:00 Otl, no sama rai henek Atauro nian iha tuku 17:00 Otl, ne’ebe simu direitamente husi komunidade ho autoridade local iha sub distritu refere.

Komunidade sira ho ksolok boot simu Ministru Kalbuadi ho nia delegasaun, liu husi dahur no tebes, ne’ebe akompanha mos husi Direitor kompanhia Hidayat, Ahmad Alkatiri.

Iha serimonia inagurasaun ba Pousada ne’ebe lokaliza iha Suku Beloi ne’e liu husi sinal asina plaka no koa fita. Pusada ne’e hanaran Beloi Beach.

Kalbuadi Lay hateten, ilha Atauro furak tebes ho nia potensialidade turistiku. Aumenta tan ho Pousada Atauro nia furak ne’ebe nabilan haksimuk iha Atauro nia husar.

Minmistru Kalbuadi fiar katak, ho fasilidades Pousada Beloi nian ne’ebe fo matak liu tan atu atrai tirista internasional no domestika mai vizita Ilha Atauro hodi rai hela osan ba komunidade sira.

Perante komunidade Atauro sira nia futar oin, Ministru Kalbuadi promote sei ajuda hafurak liu tan paizazen Ilha Atauro nian. “Ba tinan 2015-2016, ita sei aumenta, ita sei hadia no konserva praia  sira ne’e atu bele lori benefisiu ba ita nia komunidade iha Atauro,”  hateten  Francisco Kalbuadi Lay.

Kona-ba orsamentu ba rehablitasaun pojada ne’e,  MTK Francisco Kalbuadi Lay dehan, ida ne’e Governu apoiu deit  ba sektor privadu, liu husi kompanhia Hidayat  ho ninia familia, ne’ebe sira mak investe duni.

Pousada ne’ebe mak durante ne’e MTK inagura tiha ona mak hanesan  pousada Tutuala, Balibo, no ba dau-daun ne’e inagura tan Beloi Beach.

Direkktora Beloi Beach Unipesoal Ld,  Lai Nisa Alkairi hateten, rehablitasaun ba Pousada ne’e han tempu  oituan  no gasta orsamentu US$ 30.000.

Pousada ne’e kompleta ho kuartu 8 ho nia fasilidades ne’ebe hijiene tebes.

“Ami nia empregada iha ema nain 7, ema ba tein nain 2 ba klinika nian nain ida  manager ida servidoras nain rua,” informa  Lai Nisa Alkatiri.

Lai Nisa Alkatiri realsa, nia rehablita Pousada Atauro ne’e, tanba  nia halo ona vizita ba iha Bali Indonesia no  hare rasik hodi halo kumparasaun katak, Atauro ilha ne’ebe mak diak liu fali ilha ki’ik sira iha Bali.

 Iha inagurasaun  ba Pousada Atauro ne’e, MTK Francisco Kalbuadi Lay entrega mos farda jogu bola volley hho bola tebe nian ba administrador Sub-distritu Atauro.Jndiario

Komentario : 

• Tweet

Judul: MTK Inagura Pousada Atauro
Rating: 100% based on 99998 ratings. 5 user reviews.
Ditulis Oleh Nelson Blog 06.23

Artikel Terkait :