Info Timor-Komando Polisia Nasional Timor Leste
(PNTL) Distritu Baukau halo operasaun ba grupu ilegal konsege hetan
pistola rakitan 1, kroat no farda militar balu, maibe iha Distritu Same
Oe-kusse no Ainaro ema tauk ho volontariamente entrega-an farda no kroat
sira ne’e ba komando Polisia distritu ida-idak.
Tuir informasaun temporaria ne’ebe
Komandante Jeral PNTL, Komisariu Longuinhos Monteiro informa katak,
operasaun ba grupu ilegal sira ne’e komesa hahu iha distritu hotu-hotu.
Longuinhos hatutan, rezultadu operasaun
seidauk los foin maka konfirmadu distritu 4 hanesan, tanba ne’e maka
provizoria rezultadu komando seidauk bele fo sai ba publiku.
Longuinhos esplika, operasaun Polisia
Distritu Baukau ba grupu ilegal sira iha sidade laran kosege hetan
pistol rakitan 1, kroat sira hanesan surik, katana, tudik, rama, farda
militar, sapatu militar, sapeo, bandeira RDTL, Fretilin, Falintil.
“Operasaun halo dadaun ona iha distritu
balu maibe ne’e foin provizoria, mais iha Baukau operasaun konsege foti
pistola rakitan 1, farda militar, sapeu, sapatu, atributu estadu nian
hanesan bandeira RDTL, bandeira Falintil, Fretilin foin maka ida, mais
ida ne’e seidauk fiksu,”dehan Longuinhos ba Jornalista sira iha kuartel
Jeral PNTL Kaikoli, Dili Sesta (07/03).
Longuinhos reafirma, entretantu
operasaun Polisia iha distritu sira seluk seidauk la’o mais povu balun
ne’ebe ho voluntariamenta mai entrega ona sasan hanesan farda militar,
sapeu, sapatu no kroat sira hanesan rama, surik, mos atributu estadu
Bandeira Falintil, Fretilin entrega ona mai komando Polisia distritu
ida-idak.
Longiunhos haktuir tan, Populasaun sira
ne’ebe ho volontaria entrega atributu sira hanesan mensiona iha leten
maka hanesan Distritu Manufahi (Same), Distritu Enklave Oe-kusse no mos
Distritu Ainaro.
Komjer dehan tan, maibe informasaun
ne’ebe Komando Polisia Distritu pasa mai iha komando jeral PNTL ne’e
seidauk klaru no informasaun ne’e seidauk fiksu, tanba ne’e maka komando
seidauk fo informasaun detailhu kona ba operasaun sira ne’e. Jndiario
Komentario :
Judul: PNTL Baukau Foti Pistola Rakitan, Surik, Rama, Same, Ainaro, No Oe-cusse Tauk Entrega-An
Rating: 100% based on 99998 ratings. 5 user reviews.
Ditulis Oleh 06.15
Rating: 100% based on 99998 ratings. 5 user reviews.
Ditulis Oleh 06.15
