Breaking News Tempo Semanal – Baukau, 10/03/2014
InfoTimor- Iha dadersan mais ou menus tuku 06:34 OTL PNTL sira hahu tama iha Lalulai, Laga hodi halo operasaun ba iha fatin ne’ebe deskonfia membru Konselho Revolusaun Maubere (KRM) konsentra ba.
Iha Operasaun ne'e PNTL sira hetan reasaun maka'as husi parte KRM ho tuda granada no Malotob ba PNTL hodi hakanek on a membru PNTL balun. .
“Kolega ida naran Asala membru husi PNTL ninian maka hetan kanek tan ba parte Mauk Moruk ninia membru maka so’e Granada wainhira ami tama sira nia fatin,” dehan membru PNTL ida ne’ebe husu Tempo Semanal labele hatun ninia naran.
"Kolega ne'ebe kanek ne'e agora iha hela klinik besik iha ne'e," nia esplika.
Tuir membru PNTL ne’e hateten katak sira hahu tama ba iha fatin konsentrasaun membru Konselho Revolusaun Maubere ninian iha dadersan besik tuku hitu ho la’o maibe sira hetan reasaun maka’as husi sira ne’ebe konsentra iha fatin ne’eba.
“Ami nia karreta para do’ok no ami la’o kuaze besik kilometru ida maka mai iha sira nia fatin I sira hodi malotob ou Granada maka tuda hasoru ami ne’ebe kolega ida maka kanek agora tula on aba Ospital,” dehan Membru PNTL ne’e.
Nia esplika katak operasaun ba Lalulai ne’e involve membru PNTL husi HQ PNTL Distritu Baukau, Task Forse, BOP ho URP.
"PNTL kaptura ona membru nain rua husi Konselho Revolusaun Maubere ida naran JM no ida seidauk naran ohin hau la husu."
Daudaun ne’e membru KRM halai sa’e ba diresaun foho Samalari Baguia no Matebian mane ninian.
Tuir populasaun iha fatin ne'ebe besik ba akampamentu KRN ninian dehan rona tarutu bo’ot iha dadersan besik tuku hitu depois akompania ho kilat Tarutu iha besik fatin akampamentu KRM Lalulai Laga.
To'o informasaun ne'e hatun seidauk konfirma ho parte husi autoridade no Parte KRM ninian kona ba ema hira maka sofre lolo'os iha operasaun Lalulai ne'e.
Info Husi : http://temposemanaltimor.blogspot.com/
Info Husi : http://temposemanaltimor.blogspot.com/
Komentario :
Judul: Operasaun KRM Lalulai PNTL Ida Kanek
Rating: 100% based on 99998 ratings. 5 user reviews.
Ditulis Oleh 17.28
Rating: 100% based on 99998 ratings. 5 user reviews.
Ditulis Oleh 17.28
