Info Timor-Polisia Nasional Timor-Leste (PNTL) ho
Falintil-Forsa Defeza Timor-Leste (F-FDTL) Componente Terestre, Baucau
monta postu iha Aldeia Lalulai, Suku Sagadati Sub-Distrito Laga Distrito
Baucau.
Komandante Operasaun Nasional Polisia,
Superentendente Xefi Armando Monteiro, hateten oras ne’e dadaun maske
situasaun jeral la’os hakmatek ona li-liu iha Laga ninian, maibé polisia
ho F-FDTL monta ona postu obserbasaun iha fatin refere.
“Agora dadauk ita nia komando Distrito
Baucau ho apoiu Unidade Especial Polisia (UEP) liu husi Companhia
Batalhaun Ordem Publika (BOB) Baucau nian agora dadaun halo
sosializasaun rezulusaun iha Suku Nunira, Laga, no sosializasaun ida
ne’e Polisia sei munta postu fikzu iha Lalulai, no F-FDTL monta mos
postu obserbasaun iha suku samalari,” dehan Armando Monteiro ba
Jornalista sira iha Kuartel Jeral PNTL, Caicoli Dili, Kinta (13/03).
Armando realsa tan, objetivo institusaun
rua ne’e monta postu iha Laga ne’e para oinsa fo konfiansa fila fali ba
komunidade iha area neba nian relasiona ho akontesimentu iha loron
Segunda (10/03) foin lalais.
“Ho koperasaun ne’ebé mak ami halo ho
F-FDTL, oras ne’e dadaun forsa Componente Terestre monta ona postu
obserbasaun iha suku samalari hodi nune’e bele kopera hamutuk ho Polisia
atu oinsa sosializa rezulusaun ida ne’e,” sublinha Armando.
Armando dehan tan, operasaun polisia iha
Laga principal Lalulai tuir planu fulan ida nia laran, maibé depende ba
ejijensia komunidade nian no situasaun iha terenu.
Tantu liu husi oportunidade ne’e,
Komando Jeral PNTL husu ba komunidade iha teritorio TL laran tomak
principal komunidade iha Laga ninian katak labele tauk no trauma
situasaun ne’e, tanba forsa nasaun nian liu husi Polisia no F-FDTL 24
oras iha komunidade nia le’et hodi kontrola situasaun. Jndiario Komentario :
Judul: PNTL-F-FDTL Monta Postu Iha Laga
Rating: 100% based on 99998 ratings. 5 user reviews.
Ditulis Oleh 23.26
Rating: 100% based on 99998 ratings. 5 user reviews.
Ditulis Oleh 23.26
