Info Timor-Tribunal Distrital Dili (TDD), Sesta
(14/3), halo julgamentu ba kazu pornografia ne’ebe grupu “bandalismu”
sira, kompostu husi ema nain 7, obriga joven nain rua ne’ebe namora hela
iha Largo Tasi Tolu nian tenke halo relasaun seksual.
Iha julgamentu ne’e Ministeriu Publiku
(MP) akuza arguido nain 7 komete krime kuasaun seksual ho krime
gravasaun. Tuir akuzasaun ne’ebe le sai husi juis presidenti Julio
Gantes katak, iha loron 12 Maio 2013, lezado ho inisial A no lezada ho
inisial A lao halimar hela iha Largo Tasi Tolu.
La liu minute 10 nune’e, mosu mai mane
aman boot nain 7 kompostu husi Julio Vital, Jaimito Ximenes, Agapito da
Cruz, Egidio dos Santos Tilman, Tubias da Silva, Afonso da Silva ho
Gabriel, halo terror no ameasa ba sira nain rua hodi origa sira nain rua
tenke halo relasaun seksual atu nune’e sir abele halo gravasaun
filmazen.
Arguido Gabrile mak dada lezada no
arguido sira seluk dada lezado no hadulas tiha lezado ho lezada ne’e
haruka sira atu halo relasaun seksual. Maibe, tanba sira lakohi arguido
Gabriel hasai tudik ameasa lezada ho lezado atu oho. Depois arguido
sira dada lezada haruka toba iha rai no hasai hotu lezada nia ropa no
hasai tan lezado nia kalsa depois haruka sira hamutuk.
Arguido Julio ho Jaimito mak halo
filmajen, depois arguido sira Bluetooth video ne’e ba malu no hatama iha
internet halo komunidade sira hare hotu video ne’e inklui arguido sira
fo sai iha lezada nia escola fatin.
Audensia julgamentu ne’e prezidi husi
juis koletivo, Julio Gantes, Zulmira Auxiliadora ho Zumiati Maria, MP
reprezenta husi prokurador Gloria Alves, arguido nain 7 hetan asistensia
legal husi defensor publiku Rui Antonio.
Julgamentu bas kazu ne’e adia fali ba
loron 17 oras 13.00, maibe taka ona ba publiku, tanba tuir tribunal
kazu ne’e tama ba kategoria violensia seksual. Jndiario
Komentario :
Judul: Pornografia Tasi Tolu, MP Akuza Arguido Ho Krime Kuasaun Seksual
Rating: 100% based on 99998 ratings. 5 user reviews.
Ditulis Oleh 23.31
Rating: 100% based on 99998 ratings. 5 user reviews.
Ditulis Oleh 23.31
