Prezidenti Repúblika (PR) Taur Matan
Ruak preokupa ba funsionamentu públiku ne’ebé maka oras ne’e dadauk la’o
iha Timor-Leste (TL) ne’e la efisiente no la efektivu tanba ne’e nia
husu ba ema tomak atu haka’as-an atu funsionamentu públiku ne’e bele
la’o ho di’ak liu tan.
Xefi Estadu hateten katak, durante nia
vizita ba distritu sira iha Timor laran tomak preokupa liu maka konaba
funsionamentu públiku, infra-estrutura no involvimentu sidadaun sira iha
prosesu dezenvolvimentu nasionál.
“Prezidenti Repúblika iha tinan rua,
Maiu agora kompletu ha’u nia mandatu tinan rua perkore oituan Timor
laran tomak. Prezidenti Repúblika preokupa ho funsioinalizmu públiku,
funsionalizmu públiku hanesan mákina ida ne’ebé halo sasan mosu no
akontese.
Sé makina ida ne’e lafunsiona
difisilmente bele fó dalan atu dezenvolvimentu iha área sira seluk bele
la’o,”dehan Xefi Estadu, liu husi diskursu wainhira loke diskusaun ba
kualidade infra-estrutura iha Palácio Prezidensiál Aitarak Laran Dili,
Kinta (27/02).
Xefi Estadu ne’e esplika katak, iha
Planu Estratéjiku Dezenvolvimentu Nasionál (PEDN) TL afirma ona katak
iha tinan 2030 mai dezenvolvimentu TL nian iha médiu tanba ne’e tenki
servisu maka’as hodi rezolve problema sira ne’ebé maka setór hotu-hotu
infrenta.
“Planu Estratejiku Dezenvolvimentu
Nasional (PEDN) Timor-Leste nian hateten katak iha 2030, Timor-Leste
ninia dezenvolvimentu iha nivel médio ne’e signifika katak iha tinan
sanulu resin nen (16) mai ita servisu tenki maka’as loos tanba problema
hanoin atu to’o objetivu ida ne’e, ne’e fasil, agora halo oinsa atu la’o
to’o ne’e problema ida seluk,”dehan PR Taur.
Iha planu estratejiku dezenvolvimentu
nian difini ona katak importante tenki konsentra atensaun ba
infra-estrutura ne’e modernu, dezenvolvimentu institusionál,
dezenvolvimentu ekonómiku no kapitál sosiál hanesan edukasaun, saúde,
veteranus no terseira idade.
Xefi Estadu hateten dezenvolvimentu
ekonómiku tenki sustentavel no inkluzivel la’os deit haree ba osan
ne’ebé maka oras ne’e dadauk TL iha maibé prevé ba futuru hodi hein
tempu ne’ebé maka TL osan laiha.
“Ita tenki konsentra atensaun maka infra-estruturasaun ou modernizasaun intfra-estrutura nian.
Ida seluk dezenvolvimentu institusionál,
hametin kapasidade hadi’ak prestasaun de servisu ba sidadaun sira, ida
seluk dezenvolvimentu ekonómiku, dezenvolvimentu ekonómiku ida ke
sustentavel, inkluzivu ke la’os deit haree ba tempu prezente mas liu-liu
preve tempu futuru, la’os ita haree iha tempu ne’ebé ita iha osan barak
liu-liu ita preve no hein tempu ne’ebé ita osan laiha i aspetu ida
seluk kapitál sosiál, edukasaun saúde, veteranus, terseira idade, tantu
ne’e fatin hat ne’ebé importante, ita tenki tau matan,”hateten Xefi
Estadu ne’e.
Sidadaun Labele Sai Indiferente
Alénde ne’e, PR Taur Matan Ruak mós husu
sidadaun hotu labele sai indiferente iha prosesu ne’e tomak, maibé
presiza involve iha prosesu dezenvolvimetu hodi buka solusaun ba
problema ne’ebé maka mosu iha rai laran.
“Segundu involvimentu sidadaun nian, sidadaun Timór labele sai apátiku, sai indeferente ba problemas hotu iha nasaun.
Nia tenke sai parte ba prosesu
dezenvolvimentu, sai parte ba buka solusaun ba problema sira ne’ebé ita
nia nasaun iha. Sidadaun hotu tenki ativu iha prosesu dezenvolvimentu,”
Taur Matan Ruak afirma.Jndiario
Komentario :
______________________________________________________________________
Judul: PR Taur Haree Funsionamentu Públiku La Efisiente
Rating: 100% based on 99998 ratings. 5 user reviews.
Ditulis Oleh 20.20
Rating: 100% based on 99998 ratings. 5 user reviews.
Ditulis Oleh 20.20
