Simeira CPLP PR Husu PM Konvida Xefe Estadu No Governu País ASEAN

Prezidente Repúblika (PR), Taur Matan Ruak husu ba Primeiru Ministru (PM) Kay Rala Xanana Gusmão atu konvida mós Xefe Estadu no Governu país Association of South East Asia Nation (ASEAN) atu sai hanesan konvidadus especial ba iha simeira komunidade pais lian Portugues (CPLP) nian ne’ebé maka sei realiza iha fulan Jullu iha Timor-Leste.

“Prezidente mós fo hanoin katak nusa ita la konvida husi ASEAN, Xefe do Governu balun, Xefe do Estadu balun mai para la’os atu participa mas konvidadu especial ita nian ne’ebé ami sei konsidera sira mai mós atu rona, atu koinese malu tamba ita atu tama ASEAN iha CPLP tinan rua mai ita bele halo relasoens kooperasaun liu-liu relasoen kooperasaun ekonomika karik mai para fo hatene ba malu oportunidade ne’ebé maka mosu,”PM Xanana informa ba jornalista sira iha Palacio Prezidensial Aitarak Laran Dili, Kinta (06/03), hafoin hasoru malu ho Xefe Estadu, Taur Matan Ruak.

Nune’e Xefe Governu ne’e hateten iha oportunidade Prezidensial simeria CPLP nian ne’e bele fo fatin ba Xefe estadu ASEAN nian sira sai konvidadus especial nune’e bele rona no koinese malu entre nasaun membru CPLP no ASEAN nian.

Tamba ne’e Xefe Governu ne’e sei orienta Ministru Negosio Estranjeiru no Kooperasaun (MNEK) José Luis Guterres hodi kontaktu ho pais mebru ASEAN nian nune’e bele sai konvidadus especial iha simeria CPLP nian ne’e.

‘Ha’u komu ba Jakarta, ha’u sei koalia ho Prezidente, Susilo depois ha’u sei haruka Ministerio Negosio Estranjeirus para kontaktu took ho pais balun, pais ASEAN nain atu sai konvidadu especial,”Xefe Govern, afirma.

Iha oportunidade ne’e Xefe Governu informa mós sobre fatin ba simeria nian tamba ne’e parte Governu sei haree didiak fatin ne’eb’e diak nune’e wainhira simeria CPLP bele simu Xefe estadu no Xefe Governu husi nasaun membru CPLP nian ho diak.

Relasiona ho konvite Governu nian ne’ebé maka haruka ba membru CPLP nian o ras ne’e dadauk nasaun rua maka haruka ona reprezentante mai hodi hamutuk ho komisaun organizadora para prepara ba simeria nian.

“Reprezentante husi Brazil maka iha ona iha ne’e, husi Guine-Bissau foin maka to’o, agora hein hela Reprezentante husi Portugual, Mosambique, Angola, Saun Tome no Principio no Cabo-Verde, konvida sira mai para servisu hamutuk atu prepara substansia, asuntus ba CPLP,”informa, PM, Xanana.

Xefe Governu ne’e enkoraza komisaun organizadora atu bele prepara ho diak no asuntu ne’eb’e maka sei dikuti iha simeria ne’e.

Konaba fatin ba simeria CPLP nian, Governu hamutuk ho komisaun organizadora ne’ebé lidera husi Francisco Guterres “Lu-Olo” deside ona edificio foun ba Ministerio Finansas maibe konstrusaun ba edificio ne’e seidauk remata tamba ne’e sei haree fatin seluk

“Ami hanoin katak iha Marco tiha ona ne’eduni simeria ne’e atu hala’o iha ne’ebé, fou-foun ami hanoin katak ami hala’o iha edificio Ministerio das Finansas nian tamba iha fatin ne’ebé tuir planu diak teb-tebes, kapas teb-tebes mas dala ruma ita hakarak buat ne’e lalais mas augenta katak seiduak bele karik.

Ami sei esforsu an teb-tebes atu husu finans atu finan realiza antes de Jullu mas. Ne’e la’os enkontrus bai-bain mas entre Xefe Estadu, Xefe do Governu hodi ida ne’e maka ami hanoin hela,”PM Xanana, hateten.

Ba preparasaun ne’e inklui mós fatin jantar ka bankete ne’ebé maka Prezidente atu oferese ba Xefe Estadu no Xefe Governu sira tamba ne’e Governu sei deside Kristu Rei nian maibe sei haree hela par abele realiza jantar hamutuk ne’e ho diak.

Hafoin asuntu importante sira ne’e preparadu ona maka Governu sei haree no prepara fali buat seluk ba simeria CPLP nian. jndiario

Komentario :

• Tweet

Judul: Simeira CPLP PR Husu PM Konvida Xefe Estadu No Governu País ASEAN
Rating: 100% based on 99998 ratings. 5 user reviews.
Ditulis Oleh Nelson Blog 05.20

Artikel Terkait :