Primeiru Ministru Kay Rala Xanana Gusmão
promote kria kondisaun di’ak ba inkontru simeira Comunidade Paízes
Lingua Portugueza (CPLP) ne’ebé tuir planu sei realiza iha fulan Jullu.
Tanba ne’e, Primeiru Ministru Kay Rala Xanana Gusmão, kuarta (05/03)
kontinua halo observasaun direita ba Estrada protokolu sira, hahú husi
ponte maloa to’o estrada área Kolmera.
Hafoin remata observa estrada protokolu
sira, Primeiru Ministru Kay Rala Xanana Gusmão observa mós fatin
inkontru membru Comunidade Paízes Lingua Portugueza (CPLP) ne’ebé sei
realize iha Centro Convenções Díli (CCD).
Iha observasaun ne’e, PM Xanana orienta
tékniku husi ADN halo dezeñu foun ba fatin inkontru ne’e, tanba fatin
CCD laran labele priense hotu delegasaun husi membru CPLP sira.
“Fatin sira iha laran tenke hadia hotu,
tanba kada rai ida ho Primeiru Ministru no Ministru Negosiu Estranjeiru,
ahi sira ne’e mós tenke hadia halo lakan hotu, uma laran sira ne’e mós
tenke hadia ho kondisaun di’ak liu,”afirma PM Xanana ba ekipa tékniku
ne’ebé akompaña observasaun ne’e.
Hafoin remata observasaun, PM Xanana
kontinua halo observasaun mós ba fatin turizmu Cristo Rey, tanba
vizitante barak husi CPLP maka hakarak vizita fatin refere.
Primeiru Minustru orienta Ministru Obras
Públikas Gastão Sousa tenke hadia kanalizasaun bee moos iha Cristo Rey,
tanba iha fatin refere kanalizasaun be’e mós ladiak hotu.
Nune’e mós Xefe Governu orienta Sekretariu Estadu Eletrisidade atu instala hikas ahi ne’ebé hetan estragus iha Cristo Rey ne’e.
Xanana dehan, inkontru Simeira CPLP ne’e
sei fahe item-item ba kada ministéiru hodi hatene ida-idak nia servisu
ba preparasaun molok tama Juñu.
Xanana hatutan, tempu komesa badak
dadaun, entaun tenke esforsu para hadia kondisaun infraestruktura iha
rai laran, tanba simeira ne’e hanesan iventu internasionál iha CPLP.
Ministru Turizmu no Kultura maka toma konta hadia fatin turizmu sira iha Díli laran molok simeira ka inkontru boot ne’e realize.
“Ita hotu tenke haka’as aan, labele
maten, tanba ita maka uma na’in, ita tenke halo buat foun iha simeira
ne’e, tanba iha tinan hirak liu ba, ita nia amigu CPLP lidera konta
istoria maka barak, maibé ekonómia mundial husi CPLP rasik laiha mudansa
ba kompetisaun merkadu internasionál,”tenik PM Xanana iha Cristo Rey.
Iha observasaun ne’e akompaña husi
Ministru Obras Públikas Gastão Sousa, Diretór Ajensia Dezenvolvimentu
Nasionál Samuel Marçal, Ministru Transporte no Telekomunikasaun Pedro
Lay, Ministru Turizmu no Kultura Francisco Kalbuadi Lay.Jndiario
Komentario :
Judul: Pm. Xanana Kontinua Halo Observasaun Ba Estrada Dili Laran
Rating: 100% based on 99998 ratings. 5 user reviews.
Ditulis Oleh 05.17
Rating: 100% based on 99998 ratings. 5 user reviews.
Ditulis Oleh 05.17
