Timor Oan 100 Sei Ba Tan Servisu Iha Korea

Secretario Estado Politika Formasaun Profesional Empregu (SEPFOPE) ba tinan 2014 ne’e sei haruka trabalhador Timor oan nain 100 ba serbisu iha Korea do Sul.  “Ita halo ona izame iha fulan kotuk. Iha izame ne’e iha ema liu 900 mak partisipa I ema ne’ebe mak pasa iha nain 300  liu  agora dadauk kontratu ne’ebe mak tama mai ami hamutuk besik 100 pesoas,”esplika Direktur Nacional Empregu (DNE), Paul Alves, iha Hotel Arbiro, Dili, Segunda (03/03).  Trabalhador sira  ne’ebe mak atu ba Korea ne’e sei ba serbisu iha area rua, fabrika, peskas deit. “Iha tinan ida ne’e  Governu Korea fo mai ita  hodi husu 3.800 mil, ne’ebe mak atu ba serbisu iha area area fabrika nomos peskas ninian deit, maibe ita espera katak, iha tinan ida ne’e  ita bele haruka  ema 600,” dehan Paul Alves. Iha tinan 2013 SEPFOPE haruka Timor oan nain 300, ne’e tanba ema ladun iha.   Tan ne’e mak tinan ida ne’e esforsu a’an maka’as ho politika SEPFOPE ninian.

“Ita konsege loke duni kursu ne’e iha fatin-fatin, hanesan Baucau, Manatutu, Same, Viquque, Lospalos ho objektivu ida deit hodi prense kuota  ne’ebe mak Governu Korea fo mai ita,”nia hateten.

Nia hatutan, iha tinan 2006  sira haruka ona  trabalhador hamutuk ema 20 ba serbisu iha area konstruksaun ninian, liu-liu iha area hadia ponte.

 “Sistema  uluk iha tinan 2006 ita bolu sistema  Industria Trening sistem, antes muda ba sistema employment sistem,”tenik nia.

 Paulo Alves dehan, tinan ida ne’e la iha mudansa ba kontratu serbisu entre trabalhador ho kompanha Korea  ne’ebe mak fo serbisu ba Timor oan sira.

To’o tinan tolu wainhira remata I  trabalhador sira bele iha oportunidade extende tan tina rua husi kompanha, se’e  trabalhador sira seerbisu diak, se’e  lae kompanha bele hapara kontratu hodi haruka fila mai Timor. Maibe, kuandu trabalhador sira to tinan lima mak sira hetan prestasaun serbisu diak, entaun sira mos bele hetan vistu S7 depois sira bele hela tan to’o tinan 10 mak foin fila mai Timor Leste.

Komentario :

• Tweet

Judul: Timor Oan 100 Sei Ba Tan Servisu Iha Korea
Rating: 100% based on 99998 ratings. 5 user reviews.
Ditulis Oleh Nelson Blog 05.13

Artikel Terkait :