Uniaun Europeia (UE) Apoiu Ministériu
Saúde (MS) ho orsamentu hamutuk US$ 14 milloens atu hala’o programa
kombate mal nutrisaun iha Timor Leste (TL).
Apoiu ne’e entrega liu husi asina akordu
kooperasaun (Memorandum of Unirstending-MoU) entre Embaixadora EU ba
TL, Syilvie Tabesse no Ministériu Negósius Estranjeiru no Kooperasaun
(MNEK), José Luis Guterres iha edifísiu MNEK, Praia dos Coqueiros, Dili,
Kinta, (27/02).
Hafoin asina, Ministru José Luis
Guterres entrega hikas ba Ministru Saúde (MS), Sérgio Lobo hodi hala’o
programa kombate mall nutrisaun iha TL. Ministru, José Luis Guterres
hateten katak, UE desde uluk kedas apóiu TL iha área oi-oin tanba ne’e
apoiu ne’ebé maka UE fó tan ne’e atu kombate mall nutrisaun.
“Uniaun Europeia desde uluk Apoiu ita
maibé programa ida ne’e programa espesífiku atu hadia nutrisaun iha
timor tomak, partikularmente ba ita nia alin sira no inan sira ne’ebé
iha oan ne’ebé presiza. Osan ne’e hamutuk mais ou menus 14 milloens de
dollares hanesan ne’e,”José Luis Guterres hateten.
Xefi diplomata ne’e hatutan katak,
durante ne’e iha órgaun ida maka iha Ministériu Negósiu Estranjeirus nia
okos maka hanesan National Autoritioan of the Service hodi servisu
hamutuk ho UE para buka apóiu UE nian.
Orsamentu ne’ebé maka órgaun ne’e hetan husi EU, implementadór maka Ministériu relevante iha área oi-oin.
Nia haklean katak, UE iha komitmentu atu
kontinua apoiu TL iha área oi-oin. Ba Apoiu kombate mal nutrisaun ne’e
la’os deit husi UE maibé Governu mós iha programa mal nutrisaun nian
ne’ebé maka implementa liu husi Ministériu Saúde, Ministériu Agrikultura
no Peskas, no Ministériu Edukasaun.
Nune’e mós Ministru MS, Sérgio Lobo
afirma katak, doasaun husi UE nian sei implementa liu husi United
Nations Children’s Fund (UNICEF) no World Food Programme (WFP) inklui
mós sosiedade sivíl sira ne’ebé kontribui kombate mal nutrisaun.
“Agora implementa ona, osan la’os ba
Ministériu Saúde, maibé ba iha MS nia tutela ne’ebé ita iha parseirus
balun maka ajuda osan ne’e aloka tiha balun ba sira iha UNICEF sira
ajuda parte mikro nutriente, iha WFP ita iha parte esplimentu ai-han ba
sira, parte balun hanesan NGO ne’ebé hakarak ajuda iha mal nutrisaun
sira mós sei hetan apoiu husi fundu ida ne’e i husi Ministériu mós hetan
apoiu husi fundu ida ne’e,”Sérgio Lobo, hatutan.
Ministru Saúde ne’e esplika, atu garante
futuru di’ak nasaun nian presiza labarik sira saudavel, tanba ne’e
Ministériu hamutuk ho parseiru sira sei servisu maka’as hodi kombate mal
nutrisaun. Sérgio Lobo fundamenta katak, mal nutrisaun mosu tanba menus
be ba labarik sira no aihan ne’ebé di’ak.
“Atu garante futuru nasaun nian presiza
labarik sira saudavel, agora ita hatene katak nutrisaun ne’e ninia kauza
ne’e barak, primeiru dala barak iha situasaun moras iha nesidade
metabolistiku ne’e aumenta mas dala barak tanba prátikas kulturais tanba
metodu prepara hahan maka ladun di’ak. Tantu edukasaun ijiene ambiente i
ambiente tanba ita hatene katak iha fatin barak be seidauk iha, tenki
la’o liu oras ida para atu hetan be, ida ne’e kontribui ba estadu
nutrisaun labarik sira nian, ho apoiu ne’e itabele rezolve,” Sérgio Lobo
afirma.
Sérgio Lobo akresenta katak, tuir survey
ne’ebé maka Ministériu halo iha tinan ida ne’e nota katak oras ne’e
dadauk mal nutrisaun mellora oituan, maibé parte ministériu seiduak
identifika fator ka formasaun saida maka hamenus mal nutrisaun ne’e.
Sérgio Lobo, argumenta katak, iha
Distritu ida-idak fatór oi-oin maka fó impaktu ba mal nutrisaun tanba
ne’e presiza apoiu husi sosiedade tomak liu-liu inan sira atu prepara
hahan tenki ho di’ak nune’e bele fó nutrisaun di’ak ba labarik sira no
sira rasik. Jndiario
Komentario :
_______________________________________________________________________
Judul: UE Apoiu 14 Milloens Ba MS
Rating: 100% based on 99998 ratings. 5 user reviews.
Ditulis Oleh 08.50
Rating: 100% based on 99998 ratings. 5 user reviews.
Ditulis Oleh 08.50
