Governu japaun liu husi embaixada
japaun mai Timor Leste fornese fundus asistensia ba projektu dada bé
moos no sanementu hodi responde komunidade nia ejijensia iha areas
rurais.
“Governu japaun fornese orsamentu ho
montante $ 920,157 hodi atinji nesesidade umana baziku nian iha area
rurais hodi kontribui ba komunidade lokal”dehan embaixador interinu
japaun ba Timor Leste ,Toshihide Kawasaki ba jornalsita sira hafoin
asina kontradu ho NGO internasional ho nasional iha embaixada japaun
pantai kelapa, Sesta (28/2).
Nia akresenta katak, projektu
insatalasaun manual ka mota bonba iha suku clacuc sub distritu
fatuberlihu Distritu Manufahi kaer husi NGO Hamoris Neon ho orsamentu $
118,116, Distritu Viqueque projektu hadia sistema fornesementu bee mos
rua, ida iha sub-distritu Watukarbau nomos sub-distritu Viqueque kaer
husi NGO Kaer Liman Servisu ho orsamentu $118,675.
Projektu konstrusaun sistema
fornesementu bee mos iha Distritu Dili, Sub-Distritu Atauru, suku vila
maumeta NGO Bee Matan Wailia ho orsamentu $121,000.
Nia imforma liutan, projektu tolu ne’e
kaer husi NGO Nasional,projektu hadia be mos ,saneamentu ho
“Implementasaun GGP governu japaun nian
ho objektivu atu asiste NGO sira no autoridade lokal publiku hodi atinji
nesesidade desemvool vimentu komunidade oi-oin ho maneira ne’ebe mak
fleksibel,” nia hatete.
Nia haktuir katak, desde 2007 projektu
50 resin mak implementa ona iha distritu 13 iha TL.konaba sistema
fornesementu bee mos kanal irigasaun konstru saun no rehabilitasaun uma
eskola no imfrastrutura importante seluk ba komunidade lokal.
World vision japaun implementa projectu
daruak nian iha distritu bobonaru hodi kontinua kontribui ba atu hadiak
vida moris loron loron no saude nian .
Iha fatin hanesan Sekretariu Estadu
Agua Saneamentu no Urbanizasaun(SEASU), Elias Pereira Moniz agrdese
governu japaun ne’ebe mak fo ona apoiu ba timor leste liu liu konaba
dada bee mos no saneamentu nian.
Tanba ne’e, Nia parte husu ba NGO nasional atu implementa projektu ho diak nune’e ba futuru governu japaun kontinua fo apoiu.
“Hau apela ba NGO sira ne’ebe mak hetan
komfiasa husi governu japaun tenke implementa ho kualidade nune ba
future sei kontinua ajuda,maibe la garantia kualidade sira sei labele fo
tan projektu no apoiu,” nia dehan.
Iha fatin hanesan representante NGO
nasional, Ivo da Costa Soares hatete, tinan kotuk halo ona survey tanba
ne’e asina kontratu atu implemta tuir durasaun fulan 6.
Nia dehan, husi sub-distritu atauru iha
suku rua ,mak hanesan maumeta vila ho suku beloi iha aldeia tolu
sistema be’e ne’e sistema grafikasaun at total tanba sei halo
rehabilitasaun.
Komunidade ne’ebe mak atu asesu ba be’e mos ne’e hamutuk uma kain 256, total komunidade 5528.
“Ohin asina ona automatikamente aban ami
hahu servisu ona ,no garantia finaliza tuir kontratu tanba nudar
timoroan tenke kontribui ba desemvol vimentu nasional tanba doador no
governu fo ona fiar tenke halo tuir no garantia ninia kualidade no halo
ho responsabilidade,”nia promete.
Konaba orsamentu, nia dehan, ho total orsamentu ne’ebe mak iha sufisiennte hodi halo servisu no garantia mos ninia kualidade.
Kontratu ne’e asina husi embaixador
interinu japaun ba timor leste Toshihide Kawasaki ho reprejentante NGO
nasional sekretariu estadu agua no urbanizasaun ,elias Pereira moniz
nomos autoridade balun husi distritu mak sai hanesan sasin.Jndiario
Komentario :
________________________________________________________________________
Judul: Japaun Apoiu $920,157 Dada Be Mos
Rating: 100% based on 99998 ratings. 5 user reviews.
Ditulis Oleh 02.25
Rating: 100% based on 99998 ratings. 5 user reviews.
Ditulis Oleh 02.25
