Xanana Jestores Tenki Matenek

Primeiru Ministru (PM) Kay Rala Xanana Gusmao, apela ba pessoal nebe hetan fiar sai jestor iha distritu tenki iha hanoin luan hodi nune’e bele jere adminstrativa distritu nian ho didiak. PM hatoo kestaun nee iha Serimoniu abertura Worksho Nacional nebe Organiza husi Ministeriu Administrasaun Estatal (MAE), iha entru Konvensaun Dili (SKD) Kinta (27/2/2013).

“Atu reforsa ita nia instituisaun Estadu nian ohin ita hotu-hotu iha ne’e koalia kona futuru pre- Deskonsentrasaun no municipiu iha Timor-Leste oinsa bele lao diak iha futuru. Tanba ne’e ohin ita hamutuk iha ne’e atu koalia futuru Timor Leste ita atu hari’i municipiu, prosesu ida aban bainrua nian.

Kuandu ita mak nune’e hela deit ita sei la preparadu ba municipiu. “Ita tenki prepara distritu tenki aprejenta ninia potensial, distritu ida -ida nia matenek hamutuk nain hira, prepara rekursu umanu, laos ita mai hotu iha Dili,” PM Xanana ho hakilar iha SKD.

Primeiru Ministru akresenta iha nia diskursu hateten, atu halo preparasaun ba jestor no mos ba sekretariu jestor, tenki ema ida nebe hatene halo bua t hotu, no tenki hanoin luan atu jere administrativa nian iha distritu.

Nune’e jestor tenki ema nebe matenek atu halo planu dezenvolvimentu iha distritu ne’e lao oinsa, oinsa atu bele orienta no influensia ema hotu atu tuir planu dezenvolvimentu nebe iha,” Xanana akresenta.

Entertantu iha fatin hanesan Ministru Administrasaun Estatal (MAE), nebe toma mos konta ba assuntu Desentralizasaun no Munisipiu iha Futuru informa ba Jornalistas iha Sentru nee katak, oras nee (Fulan Marsu), Ministeriu komesa halo kampanha atu implementa pre-deskonsentrasaun durante tinan rua (2) ba programa munsipiu nian iha distritu.

“Hau enkontru tiha ona ho administrador sira, grupo tekniku permanente liña ministerial, atu bele implementa ona Pre – deskonsentrasaun iha fulan Marcu nia laran. Agora dadaun ita hahú ona kampaña iha distritu sira no ba Ministriu hotu-hotu atu koalia ba sira pre-deskonsentrasaun sai ona, administrasaun distritu sira tranzisaun hela atu ba jestor, Ministeriu fo ona despaixu ba Distrito hotu atu
bele hahú ona kumpri servisu distritais, la’os ona director distritais, director husi Ministriu hotu nebe iha distritu la’os ona director distritais, maibe servisu distritais, no Administrador distritu sira maka sai hanesan jestor iha distritu ida-idak, esplika Jorge Teme, Ministru Administrasaun Estatal, iha SKD.

Jorge Teme reforsa katak Ministeriu sei haruka karta ba administrador distritu inklui membru governu hotu atu kumpri predeskonsentrasaun tuir lei nebe iha, Ministeriu hahu halo kampaña ba distritu hotu-hotu no hato’o ba Ministriu hotu-hotu katak pre-deskonsentrasaun hahú ona iha tinan ida ne’e.

Nia sublinha depois de pre- deskonsentrasaun implementa, servisu hotu sei sentraliza iha distritu, hanesan pagamentu de pensaun, ba veternus sira, merenda eskolar, hospital, no sira seluk, no sei bajeia ba ba kriteria no jestaun nebe diak, nune’e pre-deskonsentrasaun bele la’oho diak.

Ministru mos afirma distritu sira sei problema rekursu humanu tamba durante ne’e ema hotu servisu iha kapital Dili, agora to’o ona tempu lori fila fali ema ba iha distritu nune’e bele kontribui iha ida-idak
nia distritu. Pre-deskonsentrasaun sei implementa durante tinan rua hahu (2014-2016) iha pre-deskonsentrasaun ne’e, distritu sira nebe maka pasa ka hala’o pre-deskonsentrasaun ho diak, bele pasa ba munisipiu.Timoroman

Komentario :

 ___________________________________________________________________

• Tweet

Judul: Xanana Jestores Tenki Matenek
Rating: 100% based on 99998 ratings. 5 user reviews.
Ditulis Oleh Nelson Blog 00.20

Artikel Terkait :