Kadoras GS Mai TL, Presiza US$ 13 Billoens

 Antes ne’e, estudus ne’ebé mak Kompañia Woodside halo konaba atu dada kadoras Greater Sunrise (GS) mai Timor Leste (TL) presiza US$ 19 billoens. Maibé estudu ne’ebé mak TL rasik halo hatudu katak, atu dada kadoras GS mai TL ne’e presiza deit US$ 13 billoens.

“Tanba ne’e Ministeiru Petroleu Rekursus Minerais (MPRM) kaer dadus sira ne’ebé mak Woodside fo, ne’ebé hateten katak, opsaun Timor Leste nian atu dada kadoras mai Timor Leste ne’e, presiza US$ 19 biloens. Maibé ho estudu sira ne’ebé Timor-oan sira ho tékniku profesionál balun halo durante tempu naruk nia laran, entaun ho númeru ne’ebé woodside dehan US$ 19 billoens ne’e lalos, ami hare bele másimu US$ 13 biloens deit,”akresenta Ministru Petroleu Rekursus Minerais (MPRM), Alfredo Pires ba Jornalista sira, iha Palácio Governu Kinta feira (19/02).

Nomós tenik Alfredo Pires, iha momentu woodside mós dehan, karik GS ne’e dada ba Darwin, bele han deit US$ 15 billoens deit, maibé sé karik uza teknolojia foun, bele han deit US$ 12 billoens.

Ho ida ne’e Alfredo Pires hateten, desde 2007, governu dúvidas hela ba númeru orsamentu ne’e, tanba TL mós iha ona ema atu halo estudu hodi haree to’ok montante orsamentu ne’ebé woodside dehan ne’e.

Alfredo Pires hatutan katak, ho estudu ne’ebé mak Timoraoan sira halo ne’e atu dada kadoras mai Timor Leste ne’e, fahe ba parte hat. No estudu ne’e remata ona i gasta ona osan liu US$ 20 milloens.

“Prosesu estudu ba dada kadoras  mai Timor Leste ne’e, mais ou menus ita fahe parte hat, ita haree kustus ba marina fasilities, hanesan portu, roo sira ne’e atu tama halo nusa, no ita haree mós ba kadoras rasik, ita haree mós ba fabrika LNG rasik, i depois ita tenki haree mós ba buat ne’ebé ami bolu upstream,”informa Alfredo Pires.

Nia esplika, upstream ne’e atu perfura dala hira, no nia kustu ne’e hira.

“Parte hat ne’e mak iha tinan hat lima ne’e, ita estuda hela maka’as, atu verifika presu sira ne’ebé woodside dehan opsaun atu dada kadoras mai Timor Leste ladi’ak, karun liu”, hateten Alfredo Pires.

Nia esplika katak, TL tenki kaer metin situasaun sira ne’e hodi bele diskuti. Maibé Alfredo dehan, nia prontu atu diskuti ho kualker ema ida kona-ba folin, tanba estudu sira ne’e halo ho matenek, no uza mós expert sira husi liur.

Ministru Petroleu ne’e esklarese mós katak, woodside dehan US$ 19 biloens maibe Timor Leste deskobre tu’un ba US$13 billoens, hanesan nasaun foun, tenki hanoin didi’ak, no tenki diskuti didi’ak situasaun ida ne’e.

“Ami koalia ona ho Sr. Primeiru Ministru, i ami buka dalan oinsa atu aprezenta estudus detailladu sira ne’e. Estudu ne’e ami gasta ona mais US$ 20 miloens, ba halo estudu ida ne’e. Desde 2007 ami tender, balun US$ 6 mill, no balun US$ 5 milloens,”haklaken Alfredo Pires.

Tanba buat ne’ebé mak agora dadauk iha hela prosesu ne’e, liu US$ 40 billoens, tanba ne’e kuandu hasai deit US$ 20 milloens atu halo nia prosesu ka buka dalan atu dada nia mai TL normal.

Tanba Alfredo dehan, durante prosesu estudu sira ne’e hotu, Timor-oan rasik mak involve maka’as iha prosesu ida ne’e, tanba téknikus sira husi TL mós, iha ona kapasidade ba ida ne’e.Jndiario

Kometario :

 ___________________________________________________________________

• Tweet

Judul: Kadoras GS Mai TL, Presiza US$ 13 Billoens
Rating: 100% based on 99998 ratings. 5 user reviews.
Ditulis Oleh Nelson Blog 00.12

Artikel Terkait :