Filipina Hare Oportunidade Investe Iha TL

  Rocky Fasilita Konsultan Kualifikadu

Emprezariu Filipina ne’ebe lidera husi Isidro A. Consunji,  Kinta foin lalais ne’e, ho aviaun privadu, hala’o vizita business   mai Timor Leste hodi haree oportunidade investimentu iha rai ida ne’e.

“Ami mai iha ne’e bazeia ba Primeiru Ministru Timor Leste nian ba Filipina iha tinan kotuk, ne’ebe estabelese ona koperasaun rai rua ne’e nian tanba  ne’e ami iha oportunidade atu mai vizita Timor Leste hodi hare oportunidade investimentu industria nian iha Timor Leste,” informa Xefi Isidro A. Consunji, ba jornalista sira iha Hotel JL. Vila, Sesta (21/2).

Delegasaun  emprezariu Filipina ne’e mai hosi komponente tolu mak hanesan emprezariu sira hosi industria Construsaun Filipina, konsultan industria nian no mos reprezentante hosi governu Filipina.

“Ami kontenti los halo vijita mai iha ne’e tanba ami mos hasoru malu ho membru governu sira no emprezariu sira,” tenik nia.

Tuir Isidro A. Consunji, TL ne’e iha oportunidade ne’ebe diak tebes atu investe, tanba ne’e sei halo esforsu hotu hodi kolabora no servisu hamutuk ho emprezariu nasional atu oinsa mak bele hala’o atividades investimentu iha rai ida ne’e.

Iha sira nia vizita mai Timor Leste ne’e hasoru malu ho Ministru Obras Publiku (MOP), Gastão de Sousa, Ministru Transporte no Komunikasaun, Pedro Lay, Ministru Tursimu, Francisco Kalbuadi Lay, Secretaria Estadu Apoiu no Promosaun Seitor Privadu (SEAPRI), Veneranda Lemos, ho emprezariu nasional ne’ebe hamahan iha Camara Copmerçio Industria Timor Leste (CCI-TL).

“Ami  hare area ne’ebe potensial mak hanesan konstrusaun nian, rekursu naturais, area turismu, tanba ne’e ami ba tiha Manila no sei mai fali atu servisu hamutuk hodi dezenvolve hamutuk,” dehan Xefi Delegasaun ne’e.

Iha fatin hanesan Diretor Rocky Construction, Alex Napoleão “Daitula”, informa katak, sira nia parte prontu servisu hamutuk ho emprezariu sira husi Filipina atu dezenvolve TL.

“Ami iha konsultan ne’ebe kualifikadu prontu para atu ajuda malu no azuda Timor oan sira hotu ne’ebe mak servisu iha area konstrusaun sivil. Ami mos loke odamatan ba emprezariu nasional sira ne’ebe hamutuk ho hau atu ajuda investor sira ne’ebe ita bolu mai,” hateten Daitula.

Nia la espera katak ema sira hanesan ne’e atu mai iha Timor maibe ho sira nia vontade ohin loron mai ona iha TL nia parte sei kolabora diak liutan atu bele ajuda dezenvolvimentu iha area sira ne’ebe sira rasik sei descobre atu esplora.

“Hanesan ema Timor oan hau agradese ba sira nia prezensa iha Timor Leste no hau fiar katak ita nia governu no estadu kontinua loke sira nia odamatan atu simu sira,” Alex hateten.

Nia informa mos katak emprezariu sira ne’ebe mai vijita ona nasaun foun ne’e molok atu investe sire mos sei rona no hare politika governu ba dezenvolvimentu ne’e oin nusa no potensialidade ne’ebe atu esplora ne’e oin nusa mak sire foin investe.

Tuir nia katak, emprezariu  sira ne’ebe mai vijita TL hanesan emprezariu ne’ebe senior no susesu iha sira nia nasaun tanba sira mak dezenvolve sira nia nasaun desde Filipina ukun a’an to’o mai ohin loron no sira nia atividade iha area oin oin hanesan Area infra-estrutura, agrikultura,turismu, Industria no liga ba sira nia servisu ne’ebe barak. Jndiario

Komentario :

 _____________________________________________________________________

• Tweet

Judul: Filipina Hare Oportunidade Investe Iha TL
Rating: 100% based on 99998 ratings. 5 user reviews.
Ditulis Oleh Nelson Blog 00.02

Artikel Terkait :