Info Timor-Federação Ciklismo de Timor-Leste (FCTL) tinan-tinan hetan apoiu husi kompañia Timor Telekom (TT), maibe iha tinan 2014 ne’e hetan tan apoiu husi kompañia Air Timor no kompañia National Insurance Timor Leste (NITL).
“Ami hakarak hato’o ba publiku katak iha tinan ne’e, FCTL hetan tan apoiu husi kompania rua (2) ne’ebe temi iha leten, Air Timor sei oferece tikete aviaun hamutuk 40 hodi fasilita siklista selesaun nasional no oficiais karik atu ba partisipa iha eventu internasional sira iha rai liur. No NITL mos suporta selesaun nasional siklista Timor-Leste hodi asegura sira nia viagem husi Timor-Leste ba rai liur hodi partisipa iha eventu internasional sira,”hateten Prezidenti FCTL, Angelo Hendrique ba jornalista sira liu husi konferensia ba imprensa ne’ebe mak halao Sesta (14/03), iha edefisiu NITL Fatuhada, Dili.
Nia dehan, apoiu ne’ebe husi kompañia rua fo, la haluha lori estrutura FCTL to’o siklista selesaun nasional sira agradese tebes, no fiar katak ho apoiu hirak ne’e sei dezenvolve diak liu tan modalidade siklismu iha Timor-Leste.
Iha oportunidade refere, Director NITL Abessy Bento hateten, nia parte kontenti no urgulhu hodi fo asistensia ba siklista selesaun nasional Timor-Leste, nune’e siklista sira ba tuir eventu internasional bele seguru tanba NITL asegura ona sira iha area mediku ninian.
“Ami iha hanoin ida fo apoiu ba FCTL ne’e tanba buat lao diak la iha problema interna ruma iha federasaun nia laran. Nune’e ami sei identifika tan federasaun balun sei hanesan hotu FCTL ami sei kontinua apoiu tan,”hateten Direktor NITL ne’e.
Nune’e mos Manager Air Timor, Syed Abdul Rahman hateten, sira nia parte fo apoiu ba FCTL ho hanoin ida hakarak fasilita modalidade siklismu Timor-Leste ba iha mundu Internasional hodi hatudu katak siklista Timor-Leste mak ne’e. Jndiario
Komentario :
Judul: Air Timor Ho NITL Apoiu FCTL
Rating: 100% based on 99998 ratings. 5 user reviews.
Ditulis Oleh 13.11
Rating: 100% based on 99998 ratings. 5 user reviews.
Ditulis Oleh 13.11
