Emprezariu Hadau Malu Projektu Infra-estruturas

Info Timor-Prezidente Camara Comercio Industria Timor-Leste (CCITL) Julio Alfaro informa katak, to’o oras ne’e CCITL deskobre ona emprezariu Timor oan barak hadau malu projetu infra-estrutura nian tamba projetu infra-estrutura maka iha osan barak liu.

Durante ne’e emprezariu barak maka buka hadau malu projetu infraestrutura tamba laiha area seluk maka emprezariu sira investe ba tuir posibilidade ne’ebe maka emprezariu iha tamba Governu la fasilita emprezariu hodi investe iha area seluk.

Maske nune’e Julio Alfaro hateten, esperiensia hatudu katak area infra-estrutura sai baze hodi dezenvolve area sira seluk.

“Tuir ami nia esperiensia rasik buat hotu ne’ebé ita tenki konstrui iha Timor atu bele haree ba iha dezemvolvimentu area seluk, haree liu-liu buat ida ne’ebé presiza liu ita nia esforsu atu dezemvolve maka infraestruturas, tamba sa maka emprezario barak halai ba infraestruturas? sira hala’i liu ba infraestruturas tamba iha infraestruturas iha osan. Se maka implementa projetu infraestruturas? Investimentu públiku husi governu maka sai nain ba projetu infraestruturas entaun kompania sira ne’ebé maka ba servisu iha area infra-estruturas hatene ona katak iha osan I sira servisu hotu sir abele simu osan,”dehan Prezidente CCITL, Julio Alfaro ba jornalista sira Hotel Timor, Kuarta, (12/03) hafoin halo tomada de posse ba Assosiasaun Nasional Joventude Emprendedores Universitarios de Timor-Leste (ANJEU-TL).

Prezidente CCITL, Julio Alfaro hateten lia hirak ne’e relasiona ho ejijensia Secretario Estadu Comercio no Industria (SECI), Nino Perreira ne’ebé hateten liu husi diskursu iha tomada de posse ba ANJEU-TL hodi husu ba emprezariu sira atu labele halai liu ba projetu infraestrutura nian deit maibe buka hodi dezenvolve no investe iha area seluk mós.

Prezidente ba CCITL ne’ebé maka durante ne’e fo mahon ba emprezariu Timor oan lubuk boot ida, hateten to’o oras ne’e Governu seidauk kria banku ida ne’ebé maka fo finansiamentu ba emprezariu sira hodi hala’o aktividades iha area seluk, tamba atu dezenvolve iha area seluk presiza osan tamba ne’e presiza investimentu husi banku ida hodi fasilita emprezariu sira hodi investe iha area seluk.

“To’o agora seidauk iha banku ne’ebé bele fo finansiamentu ba sira atu halo aktividade iha area seluk tamba area seluk atu halo presiza osan i osan tenki iha investimentu no investimentu tenki mai husi banku, to’o agora fasilidade sira ne’e ita nia governu seiduak kria, se ita seiduak kria ital abele hatudu liman ba emprejario sira katak tamba sa maka hala’o deit knar iha infraestrutura i lakoi hala’o iha area resuk, tamba fasilidade ita seiduak kria, kondisaun ita seiduak kria,”Prezidente CCITL, Julio Alfaro, hateten.

Emprezariu Timor oan durante ne’e hala’o deit projetu iha infra-estrutura nian tamba iha projetu refere mak osan barak liu.

Emprezariu balun laiha osan deve husi ema seluk nian maibe sira garantia katak sei selu tamba wainhira projetu halo hotu sira bele halo pedidu ba governu, governu bele halo pagamentu tuir projetu ne’ebé maka sira hala’o.

“Sira ba iha area infra-estrutura deit tamba iha ne’eba iha osan, sira balun laiha osan mas sira deve tun deve sa’e, deve ba iha maluk sira dala ruma ho funan boot mas sira ba deve para sira implementa projetu ne’e sirs simu liu husi investimentu uluk, liu husi osan estadu ne’ebé maka fo sira tamba sira hatene katak sira kuandu servisu hotu sira ba halo pedidu pagamentu osan iha ona atu selu sira nia servisu,”Julio Alfaro, hateten.

Emprezariu Timor oan sira presiza hala’o projetu infra-estrutura nian para hetan osan no rai osan nune’e investe hikas iha area seluk.

Nune’e Julio Alfaro hateten governu presiza kria fasilidade seluk atu kria finansiamentu husi banku financial ruma no ho funan ne’ebé kiik atu nune’e bele ajuda emprezario sira halo investimentu iha area seluk para emprezario hotu labele hala’i ba iha infra-estrutura nian.

Antes ne’e Primeiru Ministru (PM), Kay Rala Xanana Gusmão hateten ona katak sei kria banku ida hodi hakbiit emprezario timoroan sira atu bele investe no hala’o dezemvolvimentu sai diak liu tan.Jndiario

Komentario :

• Tweet

Judul: Emprezariu Hadau Malu Projektu Infra-estruturas
Rating: 100% based on 99998 ratings. 5 user reviews.
Ditulis Oleh Nelson Blog 03.32

Artikel Terkait :