Info Timor-Reprezentante Governu Timor-Leste (TL)
Prezidenti Konsellu Ministrus Agio Pereira ne’ebe akompaiña husi
Sekretariu Estadu Fortalesementu Institusionál (SEFI) Francisco Borlaco
iha Sábadu (15/3) halo asina akordu ho Programa Nasoens Unidus ba
Dezenvolvimentu (UNDP) ho objetivu atu bele fó apoiu tékniku ba Governu
li-liu SEF) atu promove politika formasaun ba jestores iha distritu
hotu.
Iha akordu ne’e, Governu oferese fundus
ba UNDP ho totál $ 750,000 atu jere para bele fó apoia fali ba programa
desentralizasaun ne’ebé atu hala’o iha distritu sira.
“Programa ida ne’e foun no primeira vez
Governu halo ho UNDP, maibé presiza kontinua to’o remata”, hateten
Sekretariu Estadu Fortalesimentu Instituisionál Francisco Borlaco, iha
Palasio Governu Sábadu (15/3).
Nia informa katak, presiza sei hein tan fulan 1-2 foin bele implementa programa ne’e.
“Ita bele hamosu administrasaun ne’ebé
forte, di’ak para Kamara Munisipiu bele forte liu tan, tanba haree ba
prekonsentrasaun no deskonsentrasaun hanesan segunda Independensia
ne’ebé hakarak lori ba iha kraik,”nia reforsa.
Nia esplika katak, formasaun iha área
lideransa no jestaun, iha temátikus 2-3, haree liu ba orientasaun oinsá
maka ema bele hetan vizaun téknikus ministériu ninian.
“Porezemplu, Ministeriu Agrikultor koalia kona ba saida, maibé depende ba programa Governu ninian”, katak nia.
Alénde ne’e, reprezentante UNDP Knut
Otsby akresenta katak, akordu ne’ebé halo ho Governu ne’e atu hametin ho
Governasaun lokál tuir Lei Nú.4/2004 ho mandatu ba estabelesementu
sistema governasaun lokál ne’ebé forte no efisiente.
Nia reforsa katak, UNDP apoiu Governu
atu fó formasaun ba administradór Distritu, Sekretariu no ofisial sira
ne’ebé responsavel ba operasionalizasaun husi Governu ninia planu
deskonsentrasaun hodi fó asisténsia téknika ba implementasaun husi
dekretu Lei.
Tanba ho esforsu hirak ne’e, sira
garante katak distritu sei jere no presta halo servisu ho maneira
akontabilidade, transparante, efisiente atu iha partisipasaun no
involvimentu husi parte sidadaun sira nian.
UNDP sei servisu hamutuk ho Ministeriu
Aministrasaun Estatal no ninia Sekretariu Estadu Dezentralizasaun
Administrativa (SEDA) no mós Sekretariu Estadu Fortalesimentu
Instituisionál (SEFI).
“Hakat ba iha deskonsentrasaun no
dezentralizasaun hodi hamenus númeru ki’ak ne’ebé eziste iha TL, hodi
hala’o dezenvolvimentu humana ba sidadaun hot-hotu iha Nasaun ida ne’e,”
reforsa Knut.
Peritu UNDP husi sentru Rejiaun
Ázia-Pasífiku iha Bangkok hamutuk ho nia kolega sira, servisu ho SEFI
desde hahú iha loron 25 Agustu 2013 kria estratejia kapasitasaun ba
programa ne’e. Maibé UNDP sei kontinua hala’o ninia rede servisu
politika global no rejional husi programa atu fornese koñesimentu lisaun
sira ne’ebé sei aprova atu halo implementasaun efikas husi
dezentralizasaun nasaun ninian.Jndiario
Komentario :
Judul: Governu TL Apoiu Osan $ 750,000 Ba UNDP
Rating: 100% based on 99998 ratings. 5 user reviews.
Ditulis Oleh 22.37
Rating: 100% based on 99998 ratings. 5 user reviews.
Ditulis Oleh 22.37
