Info Timor-Sekertariu Jeral Partidu Historiku
FRETILIN Mari Bim Amude Alkatiri afirma katak, dadauk ne’e, kompañia
bo’ot internasional 300 resin mak pronto ona atu halo investementu ba
Zona Espesial Ekonomia Sosial Merkadu (ZEESM) Distritu Oecusse.
“Empreza bo-bo’ot internasional ka
Kompañia internasional 300 resin ona mak atu halo investementu iha Zona
especial Distritu Oecusse,”esklarese Alkatiri ba jornalista sira iha
Centro Convensoens Dili horseik.
Alkatri hatutan, empreza atu tolu resin
ne’e, atu mai investe iha area hot-hotu, maibe iha balu mos hakarak mai
investe iha area dezenvolvimentu komunitariu, dezenvolvimentu rural,
balu atu investe iha turismu,no balu mos atu investe iha industria.
Alkatiri dehan, dadauk ne’e mos nia ho
Primeiru Ministru Kay Rala Xanana Gusmão hetan komvite husi China atu
halo vizita ba zona especial China nian.
“Premeiru Ministru Kay Rala Xanana
Gusmão mak konvida hau atu ba hamutuk ho nia iha China, tanba iha nia
vizita ne’e mos, inklui nia atu ba hare zona espesialida iha
China,”relata Alkatiri
Alkatiri hatutan, uluk sira konvida ona
nia atu Alkatiri bele ba vizita China nia zona especial ne’e, maibe
tanba Alkatiri labele halo vizita ba China, tanba tempu laiha.
Tanba ne’e mak agora ne’e China
aproveita konvida Primeiru Ministru hodi dada hotu Alkatiri ba, hodi
hare China nia zona especial ne’e.
Tanba China mos pronto atu halo investementu bo’ot iha Timor Leste, li-liu iha zona especial Oecusse.
Maibe kompania sira ne’ebe atu kaer
projetu iha ZEESM ne’e, selesaun sei la hanesan projetu sira bai-bain,
maibe hanaran aprovizionamentu especial.
Projetu ida, sei bolu kompañia tolu ka
hat, atu aprezenta proposta, no sei iha komisaun independente ida mak
analiza proposta sira ne’ebe kompania sira parenzenta ne’e.
Planu ida ne’e mos, tenki iha estrutura
ida ne’ebe ke, atu dudu buat ne’e la’o ba oin, labele halo hanesan fali
seremonia sira ne’ebe liu tiha ona.
“Tenki iha estrutura ida ne’ebe iha
kapasidade, iha kbi’it no iha forsa politika atu dudu buat sira ne’ebe
ba oin. Prezidente ba estrutura ne’e, mak ami nain rua duni, Kay Rala
Xanana Gusmão no Mari Alkatiri,”akresenta Alkatiri.
Kona-ba lansamentu primeira pedra ba
ZEESM rasik, Alkatiri dehan, nia sei hein Primeiru Minstru Kay Rala
Xanana Gusmão fila husi nia vizita ofisial iha Brunei Darussalam. Jndiario
Komentario :
Judul: Kompania Internasional 300 Mak Sei Investe Iha ZEESM Oecusse
Rating: 100% based on 99998 ratings. 5 user reviews.
Ditulis Oleh 22.41
Rating: 100% based on 99998 ratings. 5 user reviews.
Ditulis Oleh 22.41
