Info Timor-Nasaun Brunei Darussalam iha komitmentu
politika atu hametin relasaun bilateral no halo kooperasaun ho
Timor-Leste (TL) iha future.
Liu husi komunikadu ba imprensa ne’ebé
maka Jornal Nacional Diário simu husi media Gabinete MNEK katak
vizitaPrimeiru Ministru (PM), Kay Rala Xanana Gusmão nian ba iha Brunei
hodi hasoru malu ho Liurai Brunei Darussalam, Sultan Haji Hassanal
Bolkiah, Sabadu 15-03-2014, hodi hametin liu tan kooperasaun bilateral
entre nasaun Timor Leste no Brunei Darussalam.
Iha visita ofisial PM, Xanana Gusmão,
akompañadu husi Ministru Negosios Estrangeiros no Kooperasaun (MNEK),
Jose Luis Guterres, Ministru Edukasaun (ME), Bendito Freitas, Ministru
Petrollu Rekursu Minarais (MPRM), Alfredo Pires no Sekretariu Estadu
Promosaun Igualdade (SEPI), Idelta Rodrigues, Encaregado Negosiu iha
Embaixada Timor-Leste nian iha Singapura, Domingos Savio, Direktor Geral
Relasaun Externa João Camara no nia delegasaun.
Xefi Governu Timor-Leste núdar mós
Ministru Defesa no Seguransa (MDS), Xanana Gusmão to’o iha Brunei
Darussalam, Sabadu 15-03-2014 ho aviaun Diraja Brunei BI 422, simu husi
Liurai nia oan mane, Pangeran Muda, Haji Al-Muhtadee Billah no mós
parade militar iha aeroporto Brunei Darussalam, no toka hino nasional
Timor-Leste nian no Brunei Darussalam.
Hafoin hala’o tiha revista ba parade
militar, PM Xanana akompã husi Liurai nia oan mane, kontinua hakat ba
kareta hodi sai husi Aeroportu hodi ba hasoru malu ho Liurai Brunei
Darussalam.
PM Xanana ho delegasaun to’o iha Liurai
Brunei Darussalam nia uma Istana Raja, simu direitamente husi Liurai
Brunei Darussalam, Sultan Haji Hassanal Bolkiah kontinua hakat ba sala
inkontru nian, hodi hala’o enkontru bilateral entre Timor-Leste ho
Brunei Darussalam.
Depois enkontru bilateral, PM Xanana
Gusmão ho nia delegasaun kontinua hala’o visita ba Museo Royal no Parke
Nasional ne’ebé núdar fatin ba ekoturismu Brunei Darussalam nian.
Liurai Brunei Darussalam mós oferese
kokotel ofisial ba PM Xanana ho nia delegasaun iha Istana Raja ne’ebé
partisipa mós ho korpus diplomatikus tomak ne’ebé akreditadu iha Brunei
Darusalam.
Liurai Brunei Darussalam liu husi ninia
liafuan badak iha jantar ne’e hateten katak, nia parte honra boot hodi
simu Primeiru Ministru Timor-Leste hanesan pasu posetivu ida ba
kooperasaun bilateral entre nasaun rua ne’e.
Liurai Brunei mós afirma nia pozisaun
sobre adezaun Timor-Leste nian ba Assosiation South East Asia nation
(ASEAN) katak Brunei apoio adezaun Timor-Leste nian ba ASEAN.
“Odamatan Brunei Darussalam nakloke ba
Timor Leste atu hari nia embaixada no mos Brunei apoia adezaun Timor
Leste nian ba ASEAN,”Liurai Brunei Darussalam, Sultan Haji Hassanal
Bolkiah, hateten.
Brunei Darussalam reafirma nia komitmentu atu kontinua fo nia apoio ba adezaun Timor Leste nian iha ASEAN.
Esperansa Bunei nian maka iha tempo
badak Timor-Leste bele loke embaixada iha Brunei Darusalam hodi hametin
liu tan relasaun bilateran no kooperasaun entre pais rua ne’e.
Brunei Darusalam mós pronto halo kooperasaun biletaral ho Timor-Leste hodi apoio iha area edukasaun, turizmu no gas ou energia.
Nune’e mós PM, Xanana Gusmão sente
kontente tebes ho vizita ne’e tamba nasaun Brunie Darusalam núdar nasaun
ne’ebé sempre apoio Timor-Leste iha to’o agora no ba future. PM Xanana
mós agradese ba Liurai Brinei Darusalam, ba kokotel ne’ebé maka oferece
ona.
PM Xanana esplika katak liu husi vizita
ne’e, Brunei bele fahe sira nia espirensia konaba Brunie nia prosesu
dezemvolvimentu nune’e Timor-leste mós bele banati tuir.
PM Xanana mós agradese ba Liurai Brunei
ba apoio tomak ne’ebé fo ba Timor-Leste durante ne’e, liu-liu konaba
adezaun Timor-Leste nian iha ASEAN.
Hodi hakotu diskursu, PM Xanana mós
hato’o esperansa katak iha loron ruma liurai Brunei Darusalam bele
vizita Timor-Leste atu bele hametin relasaun entre nasaun rua ne’e.
Aliende ne’e Xefe Governu, Xanana Gusmão
akompania husi delegasaun tomak hala’o vizita ba Sungai Liang
Industrial Park (SPARK) iha loron Domingo, (16/03) atu haree besik liu
tan dezemvolvimentu industria mina no gas Brunie nian ne’ebé hahú kedas
iha tinan 1969.
Hafoin ida ne’e, PM Xanana ho nia
delegasaun fila hikas mai Empire Hotel hodi hala’o inkontru ho Brunei
Economic Bevelopment Board (BEDB).
Antes PM Xanana kontinua Nia visita
ofisial ba Jakarta, Indonesia, Segunda (17-03-2014), iha dader PM Xanana
ho nia delegasaun ba Kampong, Tanah Jambu atu visita National Housing
Project. Iha oportunidade ne’e, PM Xanana ho nia komitiva sei visita uma
ezemplu (Contoh Rumah) No.13 Jalan Binglu Selatan, Tanah Jambu.
Ikus husi visita ofisial ne’e, sei
termina ho parada militar hodi despede PM Xanana iha Aeroporto, molok
sa’e aviaun Royal Brunei Darussalam hodi liu ba Singapura no kontinua
kedas ba Jakarta, Indonesia.Jndiario
Komentario :
Judul: Brunei Apoiu Adezaun TL Ba ASEAN
Rating: 100% based on 99998 ratings. 5 user reviews.
Ditulis Oleh 22.48
Rating: 100% based on 99998 ratings. 5 user reviews.
Ditulis Oleh 22.48
