Info Timor-Primeiru Ministru Kay Rala Xanana Gusmão
ho Prezidente Komisaun Organizadora ba preparasaun simeira Comunidade
Paízes Lingua Portuguesa (CPLP), Francisco Guterres ‘Lu-Olo’ kontinua
define ideias foun ba preparasaun simeira CPLP ne’ebé mak tuir planu
sei realiza iha loron 20-25 fulan Jullu tinan ida ne’e.
“Ami na’in rua define fali tan ideias,
tarde otituan tanba fulan Marsu tiha ona, delegasaun balun seidauk mai,
ne’e mak ami define kaléndariu ba preparasaun ne’e,”dehan Primeiru
Ministru Xanana Gusmão iha edificiu MNEK Praia dos Coqueros Kinta
(14/3).
PM Xanana dehan, preparasaun simeira
CPLP ne’e sei konitnua deskuti nafatin kada semana, atu prepara di’ak
liu tan intermus preparasaun oi-oin.
Iha fatin hanesan, Prezidente Komisaun
Organizadora Francisco Guterres hateten diskusaun preparasaun ba simeira
CPLP kontinua la’o nafatin, tanba molok loron 15 fulan maiu preparasaun
tenke remata.
“Ami deskuti metodu de servisu ninian
tenke lalais oituan, portuque horisehik lorokraik ami simu informasaun
dehan katak husi Sekretariadu permanente CPLP ninian hatete to’o 15 de
Maiu servisu hot-hotu tenke prontu, entaun ami agora lao hela tuir
prosesu normal,”dehan Prezidente Komisaun Organizadora Francisco
Guterres ‘Lu-Olo’.
Tanba ne’e mak, sorumutu entre PM Xanana
ho Komisaun organzadora ba simeira CPLP ne’e atu deskuti oinsa antes 15
Maiu preparasaun hot-hotu tenke preparadu tuir ejizensia sekretariadu CPLP.
Lu-Olo haktuir, kaléndariu muda,
naturalmente metodolojia servisu ninia ne’ebé mak komisaun organizadora
define tiha mós sei muda tuir ida ne’e atu kontinua halo servisu lao
lalais oituan ho efikásia no efisiensia.
Lu-Olo dehan, oras ne’e daudaun
preparasaun ne’ebe komisaun organizadora prepara, tama ona iha faze
analiza situasaun hodi rekolla dokumentus, rekolla opiniaun husi membru
governu sira, hodi fó analiza ba situasaun jeral CPLP nian.
Hafoin remata analiza ba situasaun
Lu-Olo dehan sei halo konkluzaun inklui rekomendasaun, atu nune’e
preparasaun bele la’o ho lais.
Bainhira delegasaun CPLP to’o iha Tmor-Leste, sei deskuti kona-ba sei define tan estratejia seluk molok tama ba simeira CPLP.
Oras ne’e dadauk, reprezentante husi
Gine-Bissau, Brazil no horiseik Mozambique nian mós to’o ona iha TL, no
sira sei deskute para atu haree saida mak hakarak ba CPLP, hanesan
komunidade no hanesan mos CPLP ba bilateral nasaun ida ba nasaun sira
seluk, informa Lu-Olo.Jndiario
Komentario : 
Judul: Xanana-Lu-Olo Difini Ideias Ba Preparasaun Simeira CPLP
Rating: 100% based on 99998 ratings. 5 user reviews.
Ditulis Oleh 22.57
Rating: 100% based on 99998 ratings. 5 user reviews.
Ditulis Oleh 22.57
