Info Timor-Sekretariu Jeral Partidu istóriku
FRETILIN Mari Bim Amude Alkatiri informa katak, mundu tomak hakfodak no
rekoñese servisu ne’ebé tékniku sira husi Timor Leste (TL) halo dadauk
iha Guinea Bissau.
Alkatiri dehan, nia mós fó ona parabens
ba sira, tanba tékniku Timor-oan sira ne’e, halo servisu ida ne’ebé mak
di’ak teb-tebes, no konsege halo resensiamentu eleitorál ba potensiais
eleitores 95% iha tempu loron 70 deit.
Alkatiri hatutan, buat hotu iha Guinea
Bissau la’o di’ak, tanba Timor nia tékniku sira halo servisu ida ke
di’ak tebes, halo resensiamentu eleitorál iha tempu badak, loron 70
deit, maibé kobre kuaze 95% ba potensiais eleitores. “Ida ne’e bele dehan servisu ida ne’ebé,
mundu tomak rekoñese, tanba servisu ida ke di’ak, ha’u fó parabens ba
sira ona, ha’u husu deit ba sira, abanbain rua sira fila mai Timor, sira
servisu nafatin maka’as hanesan ne’e,”informa Alkatiri ba jornalista
sira iha Centru Convensoens Dili Sesta (14/3).
Apoiu ba Guinea Bissau halo parte ona ba
pakote ida, apoiu balu sei akontese tan, kuandu eleisaun hotu, hot-hotu
simu rezultadu ho diak, I governu foun ne’e bele aprezenta programa atu
Timor Leste bele apoiu.
Maibé dehan, Timor Leste laos atu apoiu
100%, saida mak Timor Leste bele halo ba Guinea Bissau halo nafatin, no
saida mak labele, uza fali Timor Leste nia kuñesementu durante ne’e hodi
loke dalan ba guinea Bissau.
“Ha’u hanoin eleisaun Guinea Bissau ne’e
sei la’o ho diak, ha’u ema ida ke difisil atu fiar ba buat ida, maibé
bainhira ha’u fila husi Guinea Bissau, ha’u fiar katak, eleisaun ne’e
sei la’o ho diak,”katak Alkatiri.
Eis Primeiru Ministru Primeiru governu
konstitusional ne’e dehan, nia fo nia apoiu tomak ba tekniku sira ne’ebé
mak dadauk ne’e halo servisu iha Guinea Bissau, tanba partidu bo’ot liu
iha Guinea Bissau dadauk ne’e, mak partidu ida ne’ebé uluk halo
movimentu livertasaun, tanba ne’e nia mak tenki ajuda atu hametin paz ho
estabilidade.
Hanesan FRETILIN agora ne’e sai segunda
partidu, maibé FRETILIN ajuda atu hametin paz ho estabilidade iha nasaun
doben ida ne’e, ne’emak FRETILIN halo tiha nia politika oin seluk uit
oan.
“Tanba ne’emak sira husu, depois de
eleisaun sira husu ha’u atu ba fali hodi koalia ho sira hotu, para buka
sira atu kompriende malu. Sira mak husu, ha’u sei hare ha’u nia ajenda,
agora ha’u nia servisu barak tebes ha’u atu halo iha ne’e, sei ita ba
mai deit ne’e, ita la halo servisu,”relata Alkatiri.JndiarioKomentario :
Judul: Mundu Tomak Rekonese Servisu TL Nian Iha Guinea Bissau
Rating: 100% based on 99998 ratings. 5 user reviews.
Ditulis Oleh 23.02
Rating: 100% based on 99998 ratings. 5 user reviews.
Ditulis Oleh 23.02
