Info Timor-Primeiru Ministru Kay Rala Xanana Gusmão
ohin, (horseik) halo vizita ofisial ba Brunei Darussalam ho Indonesia.
Durante vizita oficial Primeiru Ministru Xanana Gusmão nian ba iha
nasaun rua ne’e, iha Indonesia, PM Xanana sei hasoru malu ho Prezidente
Repúblika Susilo Bambang Yudoyono. iha sorumutu ne’e, posibilidade
bo’ot atu ulun bo’ot nasaun rua ne’e koalia mós sobre liña fronteira
inklui defeza no seguransa nian.
Tanba tuir ajenda ne’ebé mak iha,
Primeiru Ministru no Ministru Defeza no Seguransa, Xanana Gusmão sei
partisipa iha International Defence Dialogue nian ne’ebe mak sei hala’o
iha Jakarta.
Tuir Secretariu Estadu Asuntu ASEAN,
Roberto Soares katak, durante ne’e klaru katak, nu’udar hanesan publiku
hatene katak TL nia relasaun bilateral ho Indonesia ne’e diak teb-tebes.
Roberto hatutan, Prezidente Repúblika
Indonesia, Susilo Bambang Yudoyono ho Primeiru Ministru Xanana Gusmão,
sira nain rua ninia relasaun pessoal nomos iha relasaun hanesan
reprezenta xefe do governu TL no xefe do estadu RI nian diak teb-tebes.
“Kualker inkontru sira nai’n rua hasoru
malu, klaru que asuntu hotu ne’ebé mak iha pertenente ligasaun ba ita
nia kooperasaun ne’e sei koalia inkluzivamente, mós relasaun ita nian
iha kontekstu konaba fronteira ninian, ne’ebé ida ne’e sei koalia nomos
asuntu sira seluk tan,”hatete Secreatariu Estadu Roberto iha Palasiu
Governu Kinta (14/03) hafoin hasoru malu ho PM Xanana.
Tanba antes ne’e, PM Xanana mós deklara
ona ba publiku katak, molok nia atu rejigna an husi kargu Primeiru
Ministru nian, nia promete sei hasoru malu ho Prezidente Repúblika
Indonesia Susilo Bambang Yudoyono atu deskute sobre liña fronteira rai
rua ne’e nian to’o hetan nia rezultadu.
Nune’e mós, iha loron 03 fulan marsu
2014 liu ba, bainhira hasai rezolusaun ida hodi kondena grupu Konsellu
Revolucionariu Maubere (KRM) no Consello Popular Demokratiku-Repúblika
Demokratika Timor Leste (CPD-RDTL), PM Xanana ne’ebé mak asumi mós pasta
nu’udar Ministru Defeza no Seguransa (MDS) promete sei hasoru no koalia
ho Ministru Defeza Indonesia nian atu klarifika lolos farda ne’ebé mak
durante ne’e grupu rua ne’e uza hodi hala’o movimentu ba mai.
Tanba, tuir PM Xanana deskonfia, farda
hirak ne’ebé mak durante ne’e grupu KRM no CPD-RDTL uza ne’e mai husi
nasaun viziñu Indonesia.
Iha oportunidade diak ida ne’e, Primeiru
Ministru no Ministru Defeza no Seguransa Xanana Gusmão, mós sei hato’o
prekupasaun hirak ne’e ba ulun bo’ot nasaun Indonesia nian hanesan
Prezidente SBY no Ministru Defeza.Jndiario
Komentario :
Judul: Sorumutu Xanana-SBY Deskute Liña Fronteira-Defeza
Rating: 100% based on 99998 ratings. 5 user reviews.
Ditulis Oleh 23.08
Rating: 100% based on 99998 ratings. 5 user reviews.
Ditulis Oleh 23.08
