Info Timor-Parlamentu Nasional alarma katak, kuandu
iha ejekusaun rezulusaun numeru 14/III grupu ilegal lakoopera ho diak
mak sei hasai mandatu kapturasaun ba elementu malandru sira.
Vice Parlamentu Nasional, Deputadu
Aderito da Costa Hugo afirma, Parlamentu fo nia apoiu politiku seim
rezerva ba orgaun komptenti atu implimenta lei ne’ebe difini klaru kona
ba aktividade nia movimentu ne’ebe kontra lei.
Rezulusaun ne’e fo poder tomak ba
Ministeriu Publiku (MP) no PNTL atu halo atuasaun ba grupu ilegal sira,
ilegal tanba priense rekizitus sira ilegal nian hanesan organizasaun
ema, halo treinamentu ho karater semi militar, iha farda militar,
treinamentu kaer kilat.
“Ita ejekuta rezulusaun faze pur faze,
ita halo negosiasaun hodi husu nia atu koopera no hakruk ba lei, se nia
ulun moruk lakohi atu koopera mak ita hatun medidade kapturasaun,”
afirma Deputadu Aderito ba Jornalista iha sala PN, Segunda (10/3),
bainhira husu kona ba aktus ne’ebe grupu ilegal halo kontra instrumentu
Estadu.
Nia haktuir, foin dadauk Mauk Moruk ba
hasoru MP laos nia tur-tur ba deit, maibe nia kumpri rezulusaun ne’e,
nia hakarak koopera. iha implimentasaun rezulusaun refere MP sei hato’o
karta ofisial ba PNTL hodi ejekuta.
Tantu se iha implimentasaun mak akontese
buat ruma hasoru PNTL maka ne’e hatudu evidensia no reforsa tebes
rezulusaun ne’e hodi salva guarda estadu, ho organizasaun ne’ebe eziste.
Rezulusaun ne’e reflekta prekupasaun povu, ita husu laos deit atu halo
kapturasaun, bandu, maibe loke oportunidade ba povu atu hato’o keisa ba
organizasaun nia tratamentu ba sira.
Organizasaun ne’e ejiste kleur ona,
lahatene ema nain hira mak sai vitima hanesan ba kobransa ilegal, obriga
populasaun atu fo kontribuisaun.
“Treinamentu ne’ebe sira halo ne’e
seriu, husi sira nia treina no halo konfrontasaun ho PNTL ninia grau
ameasa ba estadu ne’e laos halimar,”
Tantu Deputadu Eladio Faculto husi
bankada Fretili husu ba PNTL atu mantein ninia pozisaun hodi defende
seguransa ba rai no povu ida ne’e.
“Kongratula PNTL ne’ebe konsege susesu
iha terenu ne’ebe hasai buat kroat barak, nudar instrumentu estadu tenki
mantein hodi hapara aktividade ilegal ne’e,”
Iha fatin hanesan, membru komisaun B
ne’ebe trata asuntu kona ba Negosiu estranjeiru, defeza no seguransa,
Deputadu Cesar Piloto hatete, iha implimentasaun rejulusaun ne’e mak ema
balun kontra nia tenki hasoru justisa.
“Ita nia kodigu penal mos termina ona katak se mak komete krimi nia tenki hatan tuir krimi,” hatete Deputradu Cesar Pilotu.Jndiario
Komentario :
Judul: Grupu Ilegal Malandru Tenki Kaptura
Rating: 100% based on 99998 ratings. 5 user reviews.
Ditulis Oleh 03.17
Rating: 100% based on 99998 ratings. 5 user reviews.
Ditulis Oleh 03.17
