Info Timor-Komando Polisia Nasional Timor-Leste
(PNTL) liu husi seksaun investigasaun kaptura sidadaun Indonesia ida ho
naran Apandy, tanba uza visa turista hodi halao aktividade negosiu
hanesan solda osan mean.
“Hau hakarak informa deit katak, foin
lalais ne’e provolta 18:00 OTL Polisia Investigasaun distrito konsege
halo identifikasaun ba sidadaun Indonesia ne’ebe maka tama iha
Timor-Leste ho visto klase 1, maibe halao fali aktividade hanesan
negosio solda osan mean iha area Sub-distrito Laga,”haktuir Komandante
polisia Seksaun Investigasaun Inspector Xefe Rogerio dos Reis ba
jornalista sira foin lalais ne’e iha nia knar fatin Baucau.
Iha pasa revista, polisia identifika
sasan iha pasta laran hanesan besi solda osan mean, tan ne’e polisia
lori sidadaun ne’e ba stasaun polisia disttrito hodi foti nia
deklarasaun atu nune bele toma medidas ne’ebe forte hasoru sidadaun
Indonesia ne’e.
“Ema naran Apandy ne’e konfesa katak nia
sala duni tanba nia tama mai ho visto klase 1 maibe nia mai halo fali
aktividade ida ne’e,”haklaken komandante polisia seksaun investigasaun
ne’e.
Polisia sei haruka sidadaun Indonesia
ne’e ba iha parte imigrasaun para bele husu informasaun klaru liu-liu
konaba prosesu ninian.
Haktuir nia, aleinde ne’e deskonfia
sidadaun Indonesia ne’e ho maluk Timor oan ne’e uza fali motorizada
numero matrikula DH tanba ne’e maka parte polisia Baucau deskonfia para
atu bele halo identifikasaun ba nia, mesmo motor ne’e husi parte
boarder ninian iha duni surat lisensa ne’ebe nia atu mai sirkula iha
Timor.
Maibe tanba nia mai halo fali aktividade
negosio, ida ne’e maka polisia persiza halo identifikasaun ba motor
ne’ebe ho merek Yamaha Vega XR kor metan numero polisia DH 4843 HS. Jndiario
Komentario :
Judul: "Hetan Kaptura", Sidadaun Indonesia Uza Visa Turista Halo Negosio
Rating: 100% based on 99998 ratings. 5 user reviews.
Ditulis Oleh 02.47
Rating: 100% based on 99998 ratings. 5 user reviews.
Ditulis Oleh 02.47
