Info Timor-Udan bo’ot ne’ebe akontese iha Segunda
(10/3), liu-liu iha Dili laran kuazu oras rua nia laran, halo inundasaun
ba komunidade Aldeia rua 01 no 04 Suku Caicoli hodi hoban uma kain
besik 50.
“Udan bo’ot hau tun diretamente ba
terenu hodi haree komunidade sira nia uma, ho ne’e udan bo’ot ne’ebe mak
akontese, be sae komunidade nia uma hamutuk uma kain 50 be tama sira
nia uma laran nakonu maibe sira la iha estragus sasan ida tanba antes
udan tau bo’ot komunidade hiit sira nia sasan tau a’as tiha
kedas,”hateten xefi do suku Caicoli, Hipolito M. Sarmento ba JN-Diário Tersa (11/03), iha sede suku Caicoli, Dili.
“Akontesementu ne’e ha’u ho komunidade
sira senti triste tebes tanba iha tempu 2012 no 2013, ha’u hasoru
rasik Primeiru Ministru Kay Rala Xanana Gusmão koalia atu hadia valeta
kuak iha Ministeriu Justiça nia oin tun ba tasi ne’e. atu nune’e udan
bo’ot mai ami labele hetan bebeik inundasaun hanesan agora ne’e,”hateten
xefi suku ne’e.
Xefi Suku Caicoli ne’e reforsa katak,
iha unudasaun ne’e laiha apoiu emergensia ruma husi governu tanba bee la
estraga komunidade nia sasan ruma. Maibe komunidade sira nia uma laran
mak be’e tama nakonu no halo sira tenki kuru be’e ba fakar sai.
Iha fatin hanesan Antonio F.de Jesus
hanesan komunidade Caicoli Aldeia 01 hateten, udan bo’ot ne’e kuaze oras
rua nia laran ne’e, bee tama sira nian uma laran nakonu halo sira kalan
mos toba araska tanba uma laran bokon no nakonu ho tahu.
“Udan boot ne’e la estraga ami nia sasan
ida maibe bee mak tama uma laran nakonu. ho ne’e ami husu ba governu
liu-liu ba Ministeriu kompetente atu hadia lalais valeta kuak iha area
edefisiu Ministeriu Justiça nia oin ne’e para udan bo’ot mos bele labele
intupidu fali iha ne’eba,”haeten Antonio
Kona ba ezisensia komunidade nian no
Xefi Suku Caicoli atu hadia valeta kuak iha Ministeriu Justiça nian
ne’e, antes ne’e Direktor Saneamentu Basico, João N. da Piedade
hateten, hafoin rehabilitasaun valeta kuak Colmera ne’e sira sei
kontinua hadia fali valeta kuak iha area Ministeriu Justiça nian iha
tinan ida ne’e nia laran.
Tuir observasaun JN-Diário nian
brelasiona ho udan boot refere, iha area Vilaverde to’o Igreja Katedral
nian estrada laran nakonu ho bee hodi difikulta movimentu transporte
sira atu bele ultrapass.Jndiario
Judul: Inundasaun (Banjir) Akontese Iha Caicoli
Rating: 100% based on 99998 ratings. 5 user reviews.
Ditulis Oleh 02.29
Rating: 100% based on 99998 ratings. 5 user reviews.
Ditulis Oleh 02.29
