Info Timor-Kompañia Timor Telekom (TT), fo apoiu
osan hamutuk 30.000 USD liu husi Federasaun Ciklismo Timor-Leste
(FCTL) ba siklista junior nain nen (6) durante tinan 2014 hodi halao
aktividade treinu rai laran no mos ba partisipa iha eventu internasional
sira.
Siklista junior nain 6 ne’e hanesan
siklista elite TT nian iha tinan 2014, hanesan Noelio Reis, Eugenio
Tilman, David Gonsalves, Ivan Araujo Noe Vong no Leonel Gonsalves.
“TT fo apoiu ba atleta junior nain 6
ne’e tanba sira mak sai hanesan atleta elit TT nian iha
Timor-Leste,”hateten Diretor Relações Institucionais TT, Manuel
Carceres ba jornalista sira liu husi konferensia ba imprensa Tersa
(11/03), iha Timor Plaza, Comoro, Dili.
Direktor Relações Institucionais TT ne’e
dehan, sira apoiu atleta elit junior nain 6 ho osan sira apoiu mos iha
liña komunikasaun ninian, hanesan telefoni, internet, hodi nune’e atleta
sira bele akompaña no asesu diak liu tan informasaun iha mundu liu-liu
kona ba siklismu ninian.
“Apoiu osan ne’ebe mak temi (Iha leten
ne’e) so ba tinan 2014 nian, ba tinan 2015 depois tinan oin mak ita
bele koalia fali kona ba planu atu fo ba FCTL no siklista sira,”
hateten Manuel.
Iha fatin hanesan Prezidenti FCTL,
Angelos Henrique iha nia diskursu, fo agredese ba kompañia TT ne’ebe
iha komitmentu hodi apoiu sira nian federasaun no dezenvolve modalidade
FCTL iha rai laran.
“Ami agredese ba apoiu ne’ebe husi
kompañia TT fo mai ami. ho apoiu sira ne’e fiar katak atleta junior
nain 6 sei dezenvolve diak liu tan,” hateten Prezidenti FCTL.
Nia hatutan, FCTL durante ne’e laos
apoiu husi kompañia TT deit maibe hetan apoiu mos husi kompañia NITL
(National Insurance Timor-Leste), Air Timor no mos husi governu liu husi
Sekretariu Estadu Joventude no Desportu (SEJD) ne’ebe mak tinan-tinan
sempre fo apoiu ba FCTL.
Ho apoiu ne’ebe FCTL hetan, nia enkoraja
nafatin atleta elit junior nain 6 atu treinu maka’as, disiplina hodi
nune’e wainhira partisipa iha eventu internasional sira bele hatudu
rezultadu ne’ebe mak diak.
Nune’e mos Ivan Araujo atleta elit
junior hateten, nia parte senti kontenti no urgulhu tebes tanba kompañia
TT bele iha konfiansa apoiu ba nia ho kolega seluk hodi sai hanesan
atleta elit junior TT nian.
“Ha’u sei esforsu treinu hodi nune’e
partisipa iha eventu sira tantu nasional no internasional bele hatudu
rezultadu ne’ebe mak diak duni,”hateten Ivan.JndiarioKomentario :
Judul: TT Apoiu 30.000 USD Ba Ciklista 6
Rating: 100% based on 99998 ratings. 5 user reviews.
Ditulis Oleh 02.36
Rating: 100% based on 99998 ratings. 5 user reviews.
Ditulis Oleh 02.36
